Республикæ Хуссар Ирыстоны Президенты цур Хетæгкаты Къостайы номыл Паддзахадон преми райсыны фæдыл къамис хъусын кæны, 2024 азæн Хетæгкаты Къостайы номыл преми райсыны тыххæй конкурсмæ литературæ, аивад, публицистикæ, ирон филологи æмæ историон зонæдты фадыджы уагъд кæй æрцыдысты ахæм кандидатурæтæ:
Литературæйы фадыджы
- Плиты Сергей Ясоны фырт, 1963 азы гуырд, Уанеты Захары номыл Хуссар Ирыстоны зонад-иртасæн институты зонадон кусæг, Тыбылты Алыксандры номыл ХИПУ-йы хисдæр ахуыргæнæг, РХИ-йы Журналистты цæдисы уæнг, УФ-йы Фысджыты цæдисы уæнг. Хетæгкаты Къостайы номыл Паддзахадон преми райсынмæ раразмæгонд цæуы йæ ахæм поэтикон уацмысты æмбырдгæндты тыххæй:
– «Зарæджы зæлтæ» (Дзæуджыхъæу, 2020 аз);
– «Уды рыстытæ» (Дзæуджыхъæу, 2022 аз);
– «Фыдæлты хъæлæс» (Дзæуджыхъæу, 2024аз).
Раразмæгæнæг организаци – Тыбылты Алыксандры номыл ХИПУ-йы зонадон совет.
- Джыгкайты Бэлæ Владимиры чызг, 1961 азы гуырд, Тыбылты Алыксандры номыл ХИПУ-йы политологи æмæ социологийы кафедрæйы кабинеты сæргълæууæг. Хетæгкаты Къостайы номыл Паддзахадон преми райсынмæ раразмæ-гонд цæуы йæ аргъæутты æмбырдгонд «В стране чудес»-ы тыххæй (Цхинвал, 2021 аз).
Раразмæгæнæг организаци – Тыбылты Алыксандры номыл ХИПУ-йы ректорат.
- Кокойты Эльзæ Никъалайы чызг, 1957 азы гуырд, УФ-йы Фысджыты цæдисы уæнг. Хетæгкаты Къостайы номыл Паддзахадон преми райсынмæ раразмæгонд цæуы йæ поэти-кон уацмысты æмбырдгонд «Урс æхсæрдзæн»-ы тыххæй (Цхинвал, 2022 аз).
Раразмæгæнæг организаци – Анахарсисы номыл республикон национ библиотекæ, РХИ-йы Культурæйы министрад.
Аивады фадыджы
1.Дзукъаты Никъала Хъазбеджы фырт, 1958 азы гуырд, скульптор, УФ-йы Нывгæнджыты цæдисы уæнг, Уæрæсейы Аивæдты академийы уæнг – корреспондент (академик), РХИ æмæ РЦИ-Аланийы адæмон нывгæнæг, УФ-йы сгуыхт нывгæнæг. Хетæгкаты Къостайы номыл Паддзахадон преми райсынмæ раразмæгонд цæуы горæт Цхинвалы Хуыбылты Валерийы номыл Культурæ æмæ улæфты централон парчы «Кады Аллеяйы» скульптурон композициты серийы тыххæй (Айдарты Знауыр, Джусойты Нафи, Дзанайты Азанбег, Брытъаты Елбыздыхъо, Гаглойты Рутен, Кучиты Юри, Хуыбылты Валери).
Раразмæгæнæг организаци – РХИ-йы Нывгæнджыты цæдис.
1.Æлборты Ирбег Баграты фырт, 1945 азы гуырд, РХИ-йы Нывгæнджыты цæдисы уæнг, РХИ-йы адæмон нывгæнæг. Хетæгкаты Къостайы номыл Паддзахадон преми райсынмæ раразмæгонд цæуы Хетæгкаты Къоста æмæ Нарты эпосы уацмыстæм иллюстрациты серийы тыххæй.
Раразмæгæнæг организаци – РХИ-йы Нывгæнджыты цæдис.
1.Саулохты Георги Хъазбеджы фырт, 1988 азы гуырд, Республикон бирæпрофилон медицинон центры рентгенологийы хайады сæргълæууæг, Тыбылты Алыксандры номыл ХИПУ-йы тренер-ахуыргæнæг шахматтæй, РХИ-йы Нывгæнджыты цæдисы уæнг. Хетæгкаты Къостайы номыл паддзахадон преми райсынмæ раразмæгонд цæуы хуызфыссынады аивады уацмыс «1989-2008 азты Фыдыбæстæйон хæсты ирон адæмы уæлахизы цытæн триумфалон аркæ»-йы тыххæй.
Раразмæгæнæг организаци – Тыбылты Алыксандры но-мыл ХИПУ-йы зонадон совет.
Публицистикæйы фадыджы
- Æхсæнадон-политикон газет «Хурзæрин». Хетæгкаты Къостайы номыл Паддзахадон преми райсынмæ раразмæгонд цæуы æхсæнадон-политикон газет «Хурзæрин»-ы 100 азмæ.
Раразмæгæнæг организаци – РХИ-йы Информаци æмæ мыхуыры паддзахадон комитет.
- ХИПУ-йы телеуынынад. Хетæгкаты Къостайы номыл Паддзахадон преми райсынмæ раразмæгонд цæуы ахæм алæвæрдты тыххæй:
– ирон адæмы геноциды фæдыл;
– «Хæхты фарн» – РХИ-йы бæрзонд хæххон хъæуты легендæтæ, таурæгътæ æмæ мæсгуыты фæдыл;
– «Къонайы хæзнатæ» – ирон традицитæ æмæ æгъдæутты фæдыл;
– Хетæгкаты Къостайы сфæлдыстады æмбисæндты фæдыл.
Раразмæгæнæг организаци – Тыбылты Алыксандры номыл ХИПУ-йы зонадон совет.
Ирон филологийы фадыджы
- Тыбылты Инал Сосланы фырт, 1963 азы гуырд, Тыбылты Алыксандры номыл ХИПУ-йы уырыссаг æмæ фæсарæйнаг литературæйы кафедрæйы доцент, Уанеты Захары номыл ХИЗИИ-йы ирон литературæйы историйы хайады хисдæр зонадон кусæг. Хетæгкаты Къостайы номыл Паддзахадон преми райсынмæ раразмæгонд цæуы монографи «19-æм æнусы кæрон – 20-æм æнусы райдианы ирон литературæйы генезис æмæ чысыл эпикон формæйы эволюци»-йы тыххæй.
Раразмæгæнæг организаци – Тыбылты Алыксандры номыл ХИПУ-йы зонадон совет.
Историон зонæдты фадыджы
- Цыбырты Людвиг Алексейы фырт, 1932 азы гуырд, историон зонæдты доктор, профессор, Тыбылты Алыксандры номыл ХИПУ-йы кадджын ректор, Уæрæсейы æрдззонынæдты академийы академик, РХИ, РЦИ-Алани æмæ УФ-йы зонæдты сгуыхт архайæг, РХИ-йы уæлдæр скъолайы сгуыхт кусæг. Хетæгкаты Къостайы номыл Паддзахадон преми райсынмæ раразмæгонд цæуы зонадон куыст «Ирон Нартиадæйы энциклопеди»-йы æртæ томы тыххæй.
Раразмæгæнæг организаци – Тыбылты Алыксандры номыл ХИПУ-йы зонадон совет.
Къамис ма хъусын кæны, Хетæгкаты Къостайы номыл Паддзахадон преми райсынмæ раразмæгонд чи æрцыдысты, уыцы мыхуыр уацмыстимæ базонгæ уæвæн кæй ис Хуссар Ирыстоны зонад-иртасæн институты библиотекæйы кæсæн залы. Преми райсынмæ цы куыстытæ раразмæгонд æрцыдысты, уыдоны тыххæй хъуыдытæ ныммыхуыргæнæн ис дзыллон информацийы фæрæзты, кæнæ та сæ бадæттын РХИ-йы Президенты цур Хетæгкаты Къостайы номыл Паддзахадон преми райсыны фæдыл къамисмæ.
Хетæгкаты Къостайы номыл Паддзахадон премийы фæдыл къамис
г. Цхинвал, 2024 азы 14 август
