Республикæ Хуссар Ирыстоны Фæсарæйнаг хъуыддæгты министрады хъусынгæнинаг

Фæстаг рæстæджы Гуырдзыстоны активонæй карздæр кæны ситуаци, кæцы баст у Гуырдзыстоны æмбæстаг А. Татунашвили Цхинвалы республикон рынчындоны кæй амард, уыимæ. Уый Хуссар Ирыстоны барадхъахъхъæнæг органтæ æрцахстой 2018 азы 22 февралы Ленингоры поселочы, развæдсгарæн-диверсион архайды æмæ 2008 азы августы Хуссар Ирыстоны ныхмæ Гуырдзыстоны хæстон агрессийы рæстæджы сабыр цæрджыты марыны йæм зæрдæ кæй æхсайдта, уый тыххæй.

Хъусдард йæхимæ здахы иу ахсджиаг уавæр – бирæнымæц комментаритæ кæй тыххæй ницы дзурынц, уыцы факт – слестгæнæн изолятормæ йæ бакæнгæйæ, уый йæхи ныццавта, чи йæ кодта, уыдоныл æмæ дзы сæ иуы табелон хæцæнгарз йæхи бакæнгæйæ, фæлвæрдта фехсыныл. Йæ уыцы бафæлвæрд сæххæст кæныны фадат ын нæ радтой барадхъахъхъæнæг органты минæвæрттæ – йæ ныхмæ спайда кодтой тыхæй æмæ йæ сæдас кодтой.

Ахсджиаг у банысан кæнын уый, æмæ цауты рæзтæн ахæм кæрон уыдзæн, уый Хуссар Ирыстоны йæ къух кæй никæмæн арæзта, уымæн æмæ фæдагуырдмæ фактон æгъдауæй æрæвналыны агъоммæ урæдæрцæуæджы бафæлвæрд алидзынмæ дзурæг у, зæрдæ йæм цы хъуыддæгты æхсайдта, уыдон раст кæй сты æмæ закъоны сфидаргонд æфхæрд кæй хъуамæ баййæфтаид.

Уæддæр Хуссар Ирыстоны компетентон органтæ уадзынц ахæм цауты æппæт хъæуæг мадзæлттæ, кæцытæ æххæсттæй рабæрæг кæндзысты æрцæуæг цауы æмæ сбæлвырд кæндзысты А. Татунашвилийы мæлæты аххосаг, уый фæстæ йæ мард буар лæвæрд æрцæудзæн йæ бинонтæм.

Фæлæ хъусдард аздахын хъæуы, Гуырдзыстоны ацы цау цахæм ныхмæвæрд æмæ æнæмбæлон реакци райста, уымæ. Уый фенын кодта, Гуырдзыстоны мидæггагон æмæ æддагон политикæ, йæ паддзахадон идеологи æцæгæйдæр цахæм уавæры ис, уый.

Гуырдзиаг æхсæнады иу хай куы сиды æмбаргæ ахаст равдисынмæ æмæ ситуацийæн æрвонг зондæй саргъ кæнынмæ, уыцы рæстæджы æндæртæ та Татунашвилийы мæлæтимæ баст æнкъаргæ, æндавгæ темæйæ æнæфсармæй пайда кæнынц мидгуырдзыстойнаг конъюнктурон политикон тохы сæ рейтинг фæхуыздæр кæныны тыххæй.

Ам та уæлдай ирдæй разынд, фæстæмæ кæй раздæхт гуырдзиаг политикон лексикон, цыма чи æрбайрох сты, уыцы экстремистон сидтытæ, кæцытæ дзурæг сты, Хуссар Ирыстонмæ ахасты агрессивон реваншизм сæ политикон боны фæткæй ист кæй никуы æрцыдис, ууыл.

Цытæ цæуы, уыдонæн аргъ кæнæм, куыд ныры гуырдзиаг æхсæнады уавæры,объективон бæрæггæнæн, куыд Хуссар Ирыстонмæ æмæ йæ цæрджытæм йæ æцæг ахаст, афтæ. Райтынггонд антиирон вакханали схызт йæ рекордон нысанмæ.

Гуырдзыстоны позици уæвæг дунеон форматты, уыцы нымæцы Женевæйаг дискусситы æнæуый дæр никуы хицæн кодта конструктивондзинад æмæ бадзырдтæ аразынхъомдзинадæй. Фæлæ суанг фæстаг рæстæджыты онг сыхаг паддзахадмæ ахасты гуырдзиаг экстремизм, реваншизм æмæ агрессивондзинад, сæ бон æмбæхсын уыд бирæ афтид хъусынгæнинæгты аууон, уæлдайдæр та – дунеон æмæхсæнады раз.

Ахæм фоны къорд паддзахады æмæ дунеон организациты къухдариуæггæнджытæ, уыцы нымæцы Женевæйаг дискусситы хайадисджытæ дæр, дарддæр æвдисынц сæ «тыхстдзинад» А. Татунашвилийы амæлæты фæдыл, ситуаци дарддæр карздæр кæнгæйæ. Уыдонæн сæ позици бамбарæн ис – алыгъуызон «бафидауæн» проектты тыххæй донортæ Гуырдзыстоныл цы бирæ æхцайы фæрæзтæ хардз кодтой, уыдон фæстиуæг нæ радтой.

Татунашвилиимæ инциденты фæдыл реакци алцыдæр сæ бынæтты равæрдта. Абон Гуырдзыстоны æхгæнынц фæндæгты, æргомæй æртхъирæнтæ дзурынц Хуссар Ирыстон æмæ Абхазы адресыл, дарддæр Уæрæсейы бынтон абсурдонæй азым кæнынц «оккупацийы», æгæрыстæмæй сидынц æндæр сыхаг паддзахадтæм ахасты экономикон санкцитæй спайда кæнынмæ.

Ахæм негативон фоны Гуырдзыстоны разамынады сабырадон декларацитæн, уыцы нымæцы баныхæсты æвæрццаг фæстиуæг къухы бафтын кæныны нысанæн сæ минæвæртты æмвæзад фæбæрзонддæр кæнынмæ цæттæдзинад, ницыуал нысаниуæг ис. Æгæрыстæмæй зыны, бирæ азты дæргъы Гуырдзыстон кæй парахат кæны, уыцы «бафидауыны» æмæ хæларсыхагон ахастыты концепци хъуыддаджы бынтондæр кæй никуы зыны.

г. Цхинвал, 2019 азы 1 март