17-æм июны РХИ-йы Президент Тыбылты Леонид æмæ УФ-йы Æдасдзинады Советы Нымæрдары хæдивæг Рашид Нургалиевы сæрдариуæгадæй уагъд æрцыд Республикæ Хуссар Ирыстон æмæ Уæрæсейы Федерацийы Æдасдзинады Советты аппаратты иумæйаг рабадт.

 

Тыбылты Леонид раарфæ кодта æрæмбырдуæвджытæн æмæ банысан кодта, зæгъгæ, уæрæ-сейаг æмæ хуссарирыстойнаг фæрсты ‘хсæн куыст здæхт у Хуссар Ирыстон æмæ Уæрæсейы ‘хсæн арæзт бадзырдты дарддæры реализациимæ.

«Сразыдзинæдтæ, кæцытыл къухтæ фыст æрцыд нæ бæстæты ‘хсæн, æнхъæлмæ кæсынц сæ реализацимæ. Алкæцы республикон министрад æмæ ведомство дæр кусынц ууыл, цæмæй къухты бафтгæ бадзырдтæ реализаци æрцæуой», – загъта Президент.

Уый банысан кодта, зæгъгæ, УФ-йы Æдасдзинады Советы нымæрдар Рашид Нургалиевимæ, кæцы ацы бонты кусæгон балцимæ æрцыд Хуссар Ирыстонмæ, нæ иумæйаг куыст уагъд æрцыд Суагъæйы форматы, кæцыйыл къухтæ æрфыстой УФ æмæ РХИ-йы Æдасдзинады Советты нымæдартæ Николай Патрушев æмæ Плиты Анатоли.

«16-æм июны Синагуры нæ коллегæтимæ цы куыст бакодтам, уый рауад æнтыстджын. Мах иумæ æруынаффæ кодтам паддзахадон арæн хъахъхъæ-ныны, республикæ æмæ нæ адæмы æдасдзинады, афтæ ма дарддæры æмгуысткæнынады фарстытыл дæр», – банысан кодта Президент.

РХИ-йы Президент æмæ Хицауады пресс-службæ

Comments are closed, but trackbacks and pingbacks are open.