Республикæйы ног разамонæг Сергей Меняйло хицауады кадртæм ивддзинæдтæ хæссын райдыдта. Фыццагдæр куырдиæттæ куыстæй ацæуыны тыххæй ныффыстой Хицауады Сæрдары хæдивæг Ирина Азимова æмæ республикæйы Сæргълæууæджы пресс-службæйы хицау Сæбанты Фатимæ.

Ацы бонты Ирина Азимовайы бынатмæ нысангонд æрцыд Фæллой æмæ социалон рæзты раздæры министр Тугъанаты Ларисæ.

Республикæйы миграцион службæйы хицау Тхостты Мурат сси Цæгат Ирыстоны Сæргълæууæг æмæ Хицауады администрацийы разамонæг.

Сæ куыстæй ацыдысты республикæйы Сæргълæууæджы æххуысгæнæг Хъуысаты Мæирбег æмæ Росгвардийы управленийы хицау Рæмонты Эльбрус.

Ивддзинæдтæ райдыдтой мыхуыры кадрты дæр. Йæ контракт ын кæй нæуал адарддæр кодтой, уый тыххæй йæ куыстæй ацыд республикон фæсивæдон газет «Слово»-йы сæйраг редактор Олисаты Альбинæ. Йæ бынатмæ йын снысан кодтой сывæллæтты аивадон журнал «Ногдзау»-ы сæйраг редактор Томайты Сергейы. Бафиппайын хъæуы уый, æмæ сæ фылдæр кæй ацæуынц барвæндæй.

Дарддæр цæуынц кадрты ивддзинæдтæ.

.

 

БÆРÆГБОНМÆ  –  ЦÆТТÆЙÆ

Республикæйы райдыдтой 9-æм майы Уæлахизы бæрæгбонмæ цæттæ кæныны мадзæлттæ. Сыгъдæг æмæ аивгонд цæуынц Дзæуджыхъæуы, стæй районты цыдæриддæр мемориалтæ, цыртдзæвæнтæ, хæстон ингæнтæ ис, уыдон, сæвæрынц сыл дидинджытæ.

Республикæйы разамонæг Сергей Меняйло бафæдзæхста æмбæлон структурæтæн, цæмæй рохуаты мачи æмæ мацы баззайа. Куыд загъта, афтæмæй æрмæст уыдонмæ базилын фаг нæу, фæлæ æппæтæй дæр хъæуы бæрæгбоны равг скæнын адæмæн.

Экологон зиу арæзт цæуы парти «Иугонд Уæрæсе» æмæ æхсæ-надон змæлд «Уæлахизы бархионтæ»-йы хъæппæрисæй. Архайынц дзы ахуырдзау фæсивæд æмæ волонтертæ.

                                                                               Нæ  уацх.

 

 

Comments are closed, but trackbacks and pingbacks are open.