2023-24 ахуыры азы милицийы хаххыл Уæрæсейы Федерацийы уæлдæр ахуыргæнæндæттæм ацæуын кæй фæнды, уыцы кандидаттæй нæ республикæйы Мидхъуыддæгты министрад райдыдта исын куырдиæттæ æмæ документтæ 12 апрелæй 21 апрелмæ.
Уæрæсейаг уæлдæр ахуыргæнæндæттæ ныр 10 азæй фылдæр нæ барадхъахъхъæнæг органтæн цæттæ кæнынц профессионалон кадртæ. Ацы аз ахуырмæ исынц æрмæстдæр лæппуты, 17 азæй 25 азы онг кæуыл цæуы, уыдоны. Хъуамæ сæм уа астæуккаг ахуырад, се ‘нæниздзинад ма цуда, рацæуой профессионалон-психологон цæттæдзинад æмæ дзуапп дæттой æмбæлон домæнтæн, кæцытæй æнæмæнг хайджын хъуамæ уа мидхъуыддæгты органты фидæны кусæг.
Хуссар Ирыстонæй кандидаттæ æрвыст æрцæудзысты Уæрæсейы Федерацимæ мæнæ ахæм уæлдæр ахуыргæнæндæттæм æмæ дæсныйæдтæм:
– Волгограды академи – «судебная экспертиза»,
– Нижний Новгороды академи – «правовое обеспечение национальной безопасности»,
– В.В.Лукьяновы номыл Орловы юри-дикон институт – «правовое обеспечение национальной безопасности».
Куырдиат бадæттыны тыххæй бацæуын хъæуы Мидхъуыддæгты министрады рæнхъон скондимæ куысты фæдыл управленимæ мæнæ ахæм адресыл – горæт Цхинвал, Хетæгкаты Къостайы уынг, 5.
Джиоты Алыксандр