Президент Тыбылты Леонид 5-æм майы бабæрæг кодта Стыр Фыдыбæстæйон хæсты ветеран-тæ Омельченко Валентинæ æмæ Тедеты Никъалайы æмæ сын раарфæ кодта æрæввахсуæвæг бæрæгбон — Стыр Фыдыбæстæйон хæсты Уæлахизыл 71 азы сæххæсты боны цытæн.

Президенты арфæтæ фыццаг райста 90-аздзыд Тедеты Никъала.

«Тагъд мах банысан кæндзыстæм Уæлахизы стыр бæрæгбон, кæцымæ сымах бахастат стыр хайбавæрд. Уый тыххæй уын стыр бузныг», — загъта ветеранæн Тыбылты Леонид.

Уый банысан кодта, зæгъгæ, стыр цардуагон хъизæмæрттæ баййафгæйæ, Стыр Фыдыбæстæйон хæсты хъайтартæ сæ хъæбатырдзинадæй сæ адæмы сифтонг кодтой сабыр фидæнæй.

«Уæлахизы боны къæсæрыл мах фæнды сымахæн иууыл хуыздæр фæндиæгтæ зæгъын. Хъуамæ фидар лæууат æмæ хъуыды кæнат, уæ Райгуырæн бæстæйæн ма цы саразат, ууыл. Абон Хуссар Ирыстон йæ къахыл лæууын райдыдта уæхи æмæ уæ фæллойы фæрцы», — банысан кодта Президент Валентинæ Омельченкойæн арфæ кæнгæйæ.

Паддзахады сæргълæууæг ветерантæн бакодта зæрдылдарæн лæвæрттæ — салдаты рюкзактæ махоркæимæ, фляга, советон хуызы сур хæринæгтæ æмæ æндæр хæлцадон продукттимæ, афтæ ма бацымыдис кодта сæ цардуагон уавæр-тæм дæр.

Æппæт проблемон фарстаты фæдыл, кæцыты тых-хæй ветерантæ бахатыдысты Президентмæ, уый бахæс кодта æмбæлон адæймæгтæн, цæ-мæй æввахс бонты скъуыддзаг æрцæуой, уый тыххæй.

Comments are closed, but trackbacks and pingbacks are open.