Хицауады Сæрдары хæдивæг Пухаты Эрик арвыста арфæйы фыстæг Националон парк «Приэльбрусье»-йы директор Юри Залихановы номыл, Республикæ Хуссар Ирыстоны сгуыхт артисткæ Бекъойты Динæйы архайдæн стыр аргъ кæй скодта, уый тыххæй. Уымæн лæвæрд æрцыд «Приэльбрусье»-йы Националон паркы æвдисæн»-ы кадджын ном.

«Хуссар Ирыстоны фæсивæд, спорт æмæ аивадуарзджытæ стыр æхцондзинадимæ сæмбæлдысты, Республикæ Хуссар Ирыстоны сгуыхт артисткæйæн «Приэльбрусье»-йы Националон парчы æвдисæн»-ы кадджын ном лæвæрд кæй æрцыд, уы-цы цауыл», – дзырдæуы арфæйы фыстæджы.

Пухаты Эрик ма банысан кодта, зæгъгæ, Хуссар Ирыстоны æхсæнад ацы цауæн аргъ кæны афтæ, куыд Кавказы адæмты æнгом хæлардзинадæн ноджы иу æвдисæн, куыд æнустæм æфсымæрдзинады бындур, æмæ «Приэльбрусье»-йы Националон парчы коллективæн загъта ног æнтыстыты фæндиæгтæ.

«Дæуæн æмæ «Приэльбрусье»-йы Националон парчы æппæт коллективæн мæ цæст уарзы æнтыстыты фæндиæгтæ Кавказы адæмты хæлардзинады интерестæн лæггад кæныны арфæйаг куысты, фæсивæды æцæг патриотизм æмæ интернационализмы уагыл хъомыл кæныны хъуыддаджы. Æндæр фæндаг махæн нæй. Хæлардзинады фæдзæхстытæ нын ныууагътой нæ куырыхон хистæртæ. Фидарæй мæ уырны, Кавказы урссæр хохрагъ дих нæ, фæлæ æнгом кæй кæны нæ адæмты», – банысан кодта уый.

РХИ-йы Хицауады официалон сайт

Comments are closed, but trackbacks and pingbacks are open.