РХИ-йы Президент Тыбылты Леонид раарфæ кодта Битарты Вячеславæн Цæгат Ирыстон-Аланийы Республикæйы боны цытæн.
Арфæйы фыстæджы дзырдæуы:
«Цытджын Вячеслав Зелимханы фырт!
Айс мæ зæрдиаг арфæтæ нысаниуæгджын бон – Цæгат Ирыстон-Аланийы Республикæйы боны цытæн.
Хорз традици у, райгуырæн къуыммæ уарзондзинад, адæмы æхсæн хæлардзинад æмæ иудзинады нысан чи сси, æрвылаздæр, ацы, æцæгæйдæр адæмон бæрæгбон нысан кæй цæуы, уыцы хъуыддаг.
Цæгат æмæ Хуссар Ирыстоны адæм кæрæдзиимæ æнгом баст сты монон æмæ историон-культурон бастдзинæдтæй. Растдæр уый тыххæй Хуссар Ирыстоны ацы диссаджы бæрæгбон хæстæг æмæ зынаргъ у республикæйы алы цæрæджы зæрдæйæн дæр.
Фидарæй мæ уырны, дæ куырыхон разамынады фæрцы æфсымæрон Цæгат Ирыстон-Алани размæ кæй цæудзæн æмæ йæ къухы кæй æфтдзæн ног æнтыстытæ республикæйы экономикон фæрныгады сæраппонд.
Ацы бæрæгбон дæуæн æмæ æфсымæрон Цæгат Ирыстоны æппæт цæрджытæн мæ цæст уарзы фидар æнæниздзинад, амонд æмæ хæрзиуджытæ».
Comments are closed, but trackbacks and pingbacks are open.