Республикæ Хуссар Ирыстоны Президент Бибылты Анатоли йæхимæ райста Уæрæсейы Федерацийы Æдасдзинады советы Нымæрдары хæдивæг Рашид Нургалиевы. Уый Хуссар Ирыстонмæ æрцыд кусæгон визитимæ.

Хуссарирыстойнаг паддзахады сæргълæууæг уазæгæн раарфæ кодта футболæй Уæрæсейы æмбырдгонд командæ дунейы чемпионаты 1/8 финалы кæй фæуæлахиз Испанийы æмбырдгонд командæйыл,уый тыххæй.

«Фыццаджыдæр мæ фæнды раарфæ кæнын, Уæрæсейы æмбырдгонд командæ кæй ахызт 1/4 финалмæ. Уый нæ  иумæйаг бæрæгбон у», – загъта Президент.

Афтæ ма Бибылты Анатоли раарфæ кодта Рашид Нургалиевæн, ногæй æвзæрст кæй æрцыд УФ-йы Æдасдзинады советы Нымæрдары хæди-вæгæй æмæ дарддæр æнгом æмгуыстад кæй кæндзысты.

«Æдасдзинады  советы  хаххыл  ис ахæм фарстатæ,   кæцыты  хъæуы   скъуыддзаг  кæнын. Афтæ хъуыды кæнын, ды цы рæстæг уыдзынæ ам, уый уыдзæн фæстиуæгджын», – загъта Президент.

Йæ рады, Рашид Нургалиев банысан кодта, Хуссар Ирыстон æмæ Уæрæсейы Федерацийы ‘хсæн дыууæ азмæ къухтæ фыст кæй æрцыд æндыгъд планыл, кæцыйы хъæуы фæдфæдылонæй æххæст кæнын æмæ радзырдта йæ дыууæбонон визиты тыххæй.

«План кæнæм æхсæнведомствæйон сразыдзинæдты райрæзтыл æруынаффæ кæнын: лæмбынæгдæр уынаффæ кæндзыстæм Хъахъхъæнынады министрады фадыджы сразыдзинадыл, æркæсдзыстæм, куыд æххæст цæуы Мидхъуыддæгты министрады фæдыл сразыдзинад, цахæм стадийы ис нæ таможнæйон органты интеграци. Фæнды мæ, цæмæй ауадзæм рауæрæхгонд хатдзæгон æмбырд», – загъта Рашид Нургалиев.

РХИ-йы Президенты æмæ

Хицауады пресс-службæ

Comments are closed, but trackbacks and pingbacks are open.