РХИ-йы Президент Бибылты Анатоли раарфæ кодта Уæрæсейы Федерацийы Президент Владимир Путинæн Адæмон иудзинады боны сæраппонд.

Арфæйы дзырдæуы:

Цытджын Владимир Владимиры фырт,

Республикæ Хуссар Ирыстоны адæмы æмæ дæм сæрмагондæй мæхи номæй æрвитын иууыл зæрдæбындæр арфæтæ диссаджы бæрæгбон – Адæмон иудзинады боны цытæн.

1612 азы 4 ноябры Уæрæсейы номдзыд фыртты æнгомдзинад æмæ патриотизм фæахъаз сты Фыдыбæстæйы хæдбардзинад бахъахъхъæнынæн. Уый уыд Уæрæсейы историйы нысаниуæгджын, фæсæттæн момент æмæ дунейæн равдыста уæрæсейæгты иудзинад æмæ æнгомдзинад.

Æнусты дæргъы уæрæсейæгтæ фæлтæрæй фæлтæрмæ дæттынц ахæм æнæфæивгæ æргъадтæ, куыд Райгуырæн бæстæмæ уарзондзинад, национ историйæн, фыдæлты сгуыхтдзинæдтæ æмæ фæллойадон æнтыстытæн кад кæнын. Адæмты ацы арф историон мысынады ирд æвдисæн у Адæмон иудзинады бон дæр.

Цытджын Владимир Владимиры фырт! Ацы нысаниуæгджын бон дæуæн æмæ Уæрæсейы æппæт цæрджытæн мæ зæрдæ зæгъы фидар æнæниздзинад æмæ царды æппæт хæрзиуджытæ.

Comments are closed, but trackbacks and pingbacks are open.