Ныр дыууæ аз фæд-фæдыл нæ республикæйы паддзахадон телерадиокомпани «ИР»-ы уагъд цæуы ногазон акци «Бæллицты фонтан». Акци уагъд цæуы Республикæ Хуссар Ирыстоны Президент Бибылты Анатолийы æххуысы руаджы. Уадзгæ та йæ кæнынц нæ республикæйы сывæллæтты хæдзæртты хъомылгæнинæгтæн æмæ скъола-интернаты ахуыргæнинæгтæн, уымæй дарддæр ма дзы хайад исынц æвæрæз бинонты сывæллæттæ æмæ нæ республикæйы инвалид сывæллæттæ. Уыдонæй алчидæр фонтаны ауагъта Митын Дадамæ гæххæттын наутæ фыстæгимæ.
Ацы аз дæр та «Бæллицты фонтан» æрбайгом кодта Президент Бибылты Анатоли. Ацы проекты автор Хъуылымбегты Еленæ бафарста нæ бæстæйы сæргълæууæджы, цы плæнттæ æмæ йæм фæндтæ ис ис Ног азмæ, уый тыххæй. «Алы адæймагмæ дæр ис фæндтæ æмæ хъуыдытæ. Æмæ ахæм хорз æнкъарæнтæ адæймаг куынæ æвзара, уæд цард уыдзæн æнкъард. Куыд нæ республикæйы бирæ цæр-джытæ, афтæ æз дæр Ног азыл æмбæлдзынæн мæ бинонтимæ, æмæ уый фæстæ та, традицимæ гæсгæ нæ Театралон фæзуаты æрæмбырдуæвджыты æмæ æппæт нæ республикæйы цæрджытæн ракæндзынæн ногазон арфæ», – загъта Бибылты Анатоли.
Бибылты Анатоли бахатыд адæммæ, цæмæй йæ бон кæмæн у, уыдон хайад райсой ацы акцийы, цæмæй сывæллæттæ ма баззайой æнæ хъусдард. Банысан ма кодта, зæгъгæ, æппæт уавæртæ дæр хъуамæ арæзт æрцæуа, цæмæй ног азы нæ республикæйы адæмы царды уавæртæ фæбæрзонддæр уой. « Махмæ бирæ фæндтæ ис ног 2019 азы. Æппæт дæр хъуамæ саразæм æмæ ссарæм, цæмæй нæ республикæйы инвалид сæвæллæттæн уа хæрзвадат уавæртæ», – загъта бæстæйы сæргълæууæг.
Ацы аз Президент Бибылты Анатоли сæ ногазон бæллицтæ сæххæст кæндзæн æртæ сывæллонæн, кæцытæ сæ фыстæджыты Митын Дадамæ бахатыдысты, цæмæй сын балæвар кæна велосипед, смартфон æмæ спутникон антеннæ « Триколор ТВ».
Ацы проект диссаджы проект у, комкоммæдæр баст у, цæмæй нæ кæстæртæ банкъарой ногазон аргъауы диссæгтæ!
Нæ уацх.
Comments are closed, but trackbacks and pingbacks are open.