Цытджын æмбæстæгтæ! Зынаргъ хæлæрттæ!

Республикæ Хуссар Ирыстоны Парламент æмæ уын сæрмагондæй мæхи номæй арфæ кæнын æрбалæугæ Ног аз æмæ Чырыстийы райгуырды боны цытæн!

Алы бинонтæн, алы адæймагæн дæр Ног аз у уарзон бæрæгбон, йедзаг у ныфсытæй, хорз ивындзинæдтæй, бæллицтæ æххæсткæнынæй æмæ фидæны уырнындзинадæй, хæдзар йедзаг кæны цинæй, хъарм æмæ рухсæй.

Аивгъуыйгæ аз уыдис зын, ахсджиаг уынаффæтæ исыны аз. Нæ адæм радон хатт сбæлвырд кодтой, сæ бон кæй у зын цардуагон ахсджиаг уынаффæтæ исын æмæ фарстытæн дзуапп кæнын. Мах нæ разы æвæрæм ног хæстæ æмæ нæ бахъæудзæн царды ног пълæнттæ æмæ проекттæ æххæст кæнын. Ныфс нæ ис, иумæ æнтыстджынæй кæй фæтых уыдзыстæм æппæт сæвзæргæ цæлхдуртыл. Разылæууæг хæстæ æнтыстджынæй скъуыддзаг кæнынæн æнæмæнг хъæуы хицауады æппæт къабæзты æмгуыстад æмæ æмархайд, нысанмæ тырнындзинад æмæ хъуыддагмæ æнувыддзинад, солидарондзинад æмæ адæмы иудзинад, кæцытæ уыдзысты республикæйы тых æмæ дидинæфтыды бындур.

Мæ цæст уын уарзы фидар æнæниздзинад, бæрæгбонон зæрдæйы уаг. Уадз, æмæ Ног аз уа стабилон, уæ зæрдæ барухс кæна ног æнтыстытæй æмæ уын балæвар кæна бирæ ирд æмæ цинхæссæг бонтæ. Сабырад, фæрныгад, уарзондзинад алкæй хæдзары!

Республикæ Хуссар Ирыстоны Парламенты Сæрдар Æлборты Алан

***

Парламенты Сæрдар ма æрбалæугæ Ног азы цытæн арфæйы телтæ арвыста УФ-йы федералон æмбырды федерацийы советы сæрдар Валентина Матвиенко, УФ-йы Паддзахадон думæйы сæрдар Вячеслав Володин, Цæгат Кавказы республикæтæ, Республикæ Абхаз, Республикæ Арцах, Приднестроваг Молдаваг Республикæ, Донецкы Адæмон Республикæ, Адæмон Республикæйы парламентты къухдариуæггæнджытæм, РХИ-йы УФ-йы минæвар Марат Кулахметов æмæ æндæр официалон адæймæгтæм.