25 октябры Экономикæ, чысыл амалиуæгад æмæ хъæууон хæдзарады фæдыл парламентон комитетæн уыд рабадт. Æмбырд уагъта комитеты сæрдар Джиоты Инал. Боны фæткы уыд «2015-2017 азты Республикæ Хуссар Ирыстоны адæймæгтæ æмæ цæрæгойты æрранизæй бафæдзæхсыны фæдыл комплексон паддзахадон программæйы» реализаци куыд цæуы, уый тыххæй фарст.
Джиоты Инал куыд загъта, афтæмæй Программæйыл бакуыста Республикæ Хуссар Ирыстоны Хицауад æмæ йæ сфидар кодта республикæйы Парламент 2015 азы апрелы. Уæд нысан æрцыдысты Программæйы æмгъуыдтæ æмæ йæ чи æххæст кæндзæн, уыцы адæймæгтæ, рахицæнгонд æрцыдысты финансон фæрæзтæ. Ацы фарсты фæдыл комитетæн уыд цалдæр рабадты, Программæйыл уынаффæ цыд Парламенты сессийы дæр.
Уыимæ иумæ банысанчындæуыд, зæгъгæ, ацы программæ æххæст нæ цæуы æмбæлон æгъдауыл, йæ сæххæсты æмгъуыдтæ кæронмæ кæй фæхæццæ кæнынц, цы финанстæ йын рахицæн чындæуыд, уыдон та æмбæлонæй хардз кæй нæ цæуынц, уый тыххæй.
Ацы фарсты тыххæй депутаттæн информаци радта Республикæ Хуссар Ирыстоны Фæлхасгæнджыты бартæ æмæ адæймаджы фæрныгад хъахъхъæныны фадыджы хъусдарды комитеты сæрдары хæдивæг Гаглойты Аннæ. Йæ ныхæстæм гæсгæ, Хуссар Ирыстоны территорийыл æрранизы фæдыл эпидемиологион уавæр бирæ азты дæргъы хорз нæу æмæ 2006 азæй 2015 азмæ цæрæгойтæ кæуыл фæхæцыдысты, уыцы адæймæгты нымæц фылдæрæй фылдæр кодта. 2015 азимæ абаргæйæйæ, 2016 азы цæрæгойтæ кæуыл фæхæцыдысты, уыцы адæймæгты нымæц фæцух æрмæстдæр цалдæр цауæй. Фæстаг 9 азы дæргъы республикæйы регистраци æрцыд уды зиæнттимæ гидрофобийы (доны бауадзыг уæвын) 3 цауы.
«Æрранизы фæдыл эпидемиологийы æмæ эпизоотикон уавæр фæхуыздæр кæ-ныны нысанæн, æмæ цæрæгойтæ кæуыл фæхæцыдысты, уыцы адæймæгтæн медицинон æххуыс бакæныны гъæд фæхуыздæр кæныны паддзахадон хъусдарды организацитæ, Фæлхасгæнджыты бартæ æмæ адæймаджы фæрныгад хъахъхъæныны фадыджы хъусдарды комитеты фæндонæй арæзт æрцыд «2015-2017 азты Республикæ Хуссар Ирыстоны адæймæгтæ æмæ цæрæгойты æрранизæй бафæдзæхсыны фæдыл комплексон паддзахадон программæ», – загъта Гаглойты Аннæ.
Уыимæ иумæ уый бæлвырдæй загъта, зæгъгæ, республикæйы æппæт цымыдис-гæнæг ведомствотæ, уыцы нымæцы хъæддаг æмæ дзæгъæл цæрæгойты популяцийы фæрсаг нымæцон бæрæггæнæнты фæдыл программæ сæххæст кæныны фæлгæтты бакæнгæ куысты ахадындзинады бæлвырдгæнæн у, антирабикон (æрранизæй бахизыны) æххуысы тыххæй республикæйы хосгæнæн-профилактикон уагдæттæм цæрджытæ куыд цæуынц, уый.
Республикæйы бирæнымæц дзæгъæл цæрæгойты проблемæ дырысæй æвдисæг цифрæтæм гæсгæ уый бæрæг у, сæ нымæц æрнывыл кæныныл æмбæлон куыст кæй нæ цæуы, уый. Афтæмæй, Программæйы реализацийы райдианæй нæ фæкъаддæр, адæймæгты æнæниздзинадæн цæрæгойтæ цы зиан ракодтой, уый тых-хæй медицинон уагдæттæм бацæуджыты нымæц, куыд горæт Цхинвалы, афтæ республикæйы æнæхъæн территорийыл дæр. Уый та нысан кæны Хуссар Ирыстоны Хъæууон хæдзарады министрады, горæт Цхинвалы администрацийы æмæ республикæйы районты æрдыгæй Программæ сæххæст кæныны фæдыл бакæнгæ куысты ныллæг ахадындзинад», – загъта Гаглойты Аннæ. Уый ма банысан кодта, зæгъгæ, горæты администраци термикон æгъдауæй биологион фæлхæрæнтæ скуынæг кæныны тыххæй цы крематори балхæдта, уый æвæрд æрцыд æмæ кусы, куы йæ сæвæрдтой, уæдæй нырмæ. Республикæйы районты администрацитæ цы крематорион пецтæ балхæдтой, уыдон не сты æмбæлон, æмæ сæ куы бæрæг кодтой, уæд не скуыстой. Куыйты æмæ гæдыты оралон иммунизацийы сæ хæст сын хосы фæрцы æдас кæныны тыххæй цы вакцинæ бахардз кодтой, уый тыххæй хыгъдон документаци нæй Ветеринарон хъусдарды управленийы. Басгæрсты рæстæджы бæрæг æрцыд, вакцинæ æвæ-рыны тæвды режим хæлд кæй цæуы, уыцы факт. Уый фæстиуæгæн Комитет бардзырд радта, цæмæй вакцинæ куынæг æрцæуа, фæлæ уыцы бардзырд æххæст не ‘рцыд.
Депутат Туаты Аланы ныхæстæм гæсгæ, хъæуты æхст нæ цæуынц хъæддаг цæрæгойтæ æмæ раздæрау ацы проблемæ скъуыддзаг не ‘рцыд. Уый бахаста, уыцы хъуыддаг чи æххæст кæна, уыдонæн куысты штаттæ бакæныны фæндон.
Уый фæстиуæгæн Джиоты Инал куыд банысан кодта, афтæмæй Хуссар Ирыстоны Геологи, экологи æмæ æрдзæй пайда кæныны комитет ацы программæйы фæдыл, куыд кусынц, уымæн та æвдисæн сты æрбавдисгæ акттæ æмæ видеоæрмæджытæ. Уый радзырдта “Мæскуыйаг” микрорайоны фос æвæгæсæгæй кæй хизынц æмæ ногæй сагъд талаты кæй куынæг кæнынц, уый тыххæй. Кæд уыцы микрорайоны цæрджытæ уыцы проблемæйы тыххæй бирæ хæттыты хъаст кодтой алы структурæтæм, уæддæр фарст абоны онг дæр скъуыддзаг не ‘рцыд.
Уæлдæр банысангонд информацимæ гæсгæ, уый бахæс кодта, ацы Программæ чи æххæст кæны, уыцы министрадтæ æмæ ведомствоты къухдариуæггæнджытæн се ‘ппæтæн дæр, цæмæй æрбадæттой дырысдæр информаци, Республикæ Хуссар Ирыстоны Парламенты рабадтыты йыл дарддæр æруынаффæ кæныны тыххæй.
Комитеты куысты хайад райстой депутаттæ Мамиты Инал, Къозонты Алан, Бесаты Зитæ, Тасойты Барис, Хуссар Ирыстоны Парламенты РХИ-йы Хицауады æххæстбарджын минæвар Кокойты Зураб, Хуссар Ирыстоны Хъæууон хæдзарады министрады ветеринарон службæйы минæвар Сергей Кулеба, Хуссар Ирыстоны Хъæды хæдзарады минæвар Гæззаты Юри, Цхинвалы районы администрацийы сæргълæууæг Плиты Алан, афтæ ма æндæр районты администрациты минæвæрттæ.
РХИ-йы Парламенты информацион-аналитикон управлени
Comments are closed, but trackbacks and pingbacks are open.