2015-2017 азтæн Инвестицион программæйы фæлгæтты горæт Цхинвалы Октябры уынджы кæрон æххæст цæуы фарастуæладзыгон корпусты реконструкци. Уыдон тынг бахъыгдард сты 2008 азы августы хæсты рæстæджы. Ист æрцыд уынаффæ, цæмæй хæдзæрттæн ист æрцæуой сæ уæллаг уæладзгуытæ, саразой сæ фондзуæладзыгон корпустæ æмæ сæ уый фæстæ капиталонæй сцалцæг кæной. Ныртæккæ дыууæ корпусы дæр демонтажон куыстытæ фесты æмæ аразджытæ æрæвналдзысты мидæггагон инженерон хызæгтæ баивынмæ æмæ агъуындæн куыстытæ монтаж кæнынмæ. Цалцæггæнæн куыстыты рæстæджы хæдзæртты цæрджытæ æрцардысты «Цæгаттаг» микрорайоны.
Арæзтадон компани «СоюзСтрой-Проект»-ы техникон директор Алексей Шишлов куыд фехъусын кодта, афтæмæй демонтажгæнæн куыстытæ æххæст æрцыдысты 137 æмæ 139 хæдзæртты. Ныртæккæ 137-æм хæдзары æххæст цæуынц рудзгуытæ æмæ тыргъты блоктæ сæвæрыны куыстытæ. Æххæстæй фесты сантехникæ, кабелы æмæ инженерон хызæгты (уазал, хъарм дон æмæ канализаци) раивыны куыстытæ. Ныртæккæ куыст цæуы хатæнты ‘хсæн къултæ аразыныл.
139-æм хæдзары ныридæгæн фесты агъуындæн куыстытæ. Ныртæккæ уым æххæст цæуынц инженерон мидæггагон хызæгты раивыны куыстытæ (хъарм, уазал дон, хъæрмад æмæ канализаци). Абон объекты кусы 37 адæймаджы онг æмæ периодикон æгъдауæй, куы бахъæуы, уæд райсынц ноджыдæр кусджыты.
Мидæггагон кæрты хæрзарæзтады хынцыд сты сывæллæтты хъазæн зонæ, беседкæтæ, бандæтты, æхсæвыгон рухсыты æмæ спортивон фæзуаты арæзтад. Микрорайоны территорийыл æвæрд æрцæудзæн тротуарон плиткæ.
Объекты иумиаг сметæйон аргъ у 109 милуан сомы, кæцыты иу хай хицæн æрцыд арæзтадон-монтажон куыстытæн, æмæ иннæ хай та – проектон куыстытæн. Раздæры фарастуæладзыгон корпустæ суыдзысты ахæмтæ, куыд Маяковскийы уынджы реконструкцигонд 1-æм бирæфатерон хæдзар, афтæ.
Аварион фарастуæладзыгон корпустæй арæзт æрцæудзысты рæсугъд, нырыккон æмæ сейсмикон æгъдауæй фидар фондзуæладзыгон хæдзæрттæ, кæцытæ дзуапп дæтдзысты нырыккон нормæтæн.
Республикæ Хуссар Ирыстоны
официалон информацион портал
Comments are closed, but trackbacks and pingbacks are open.