Республикæ Хуссар Ирыстоны Президент Бибылты Анатоли фембæлд Цæгат Кавказы хъуыддæгты фæдыл УФ-йы министры хæдивæг Игорь Кошинимæ, кæцы Хуссар Ирыстонмæ æрцыд кусæгон визитимæ.
Фембæлды рæстæджы уынаффæ кодтой 2019 азæн Республикæ Хуссар Ирыстоны социалон-экономикон рæзтæн ахъазгæнæг Инвестицион программæ реализаци кæныны æмæ 2020-2022 азты Инвестицион программæ бацæттæ кæныны фæдыл фарстытыл.
Паддзахады Сæргълæууæг банысан кодта, зæгъгæ, 2019 азæн Инвестицион программæ æххæст кæныны зыны бæрæг æнтыстытæ. Уыимæ æппæт объекттыл куыстытæ кæмдæрты цæуынц рæвдздæр, кæмдæрты та фæстейæ аззайынц.
«Серьезон фæстæзаддзинад нæй, подрядонтæ куыд зæгъынц, афтæмæй уыдон æмгъуыдтæ нæ халынц æмæ объекттæ рæстæгыл цæттæ уыдзысты. Хуссар Ирыстоны къухдариуæгадæн уый тынг ахсджиаг у, уымæн æмæ мах фæнды фенын кæнын, Инвестпрограммæ, кæддæриддæр, æххæст кæй цæуы 100 процентæй. Уæд мах, æцæгæйдæр, уырндзæн, нæ бон кæй у кусын æмæ серьезон проекттæ æххæст кæнын», – загъта уый.
Бибылты Анатоли куыд банысан кодта, афтæмæй ис бæрæг размæдзыд. 2020-2022 азты Инвестицион программæ бацæттæ кæныны фæдыл, банысан кодта, объекттæн проекттæ аразыны куыст кæй райдыдта, кæцытæ бацæудзысты 2020 азы Инвестпрограммæмæ.
«Уый нын фадат ратдзæн 2022 азы Инвестпрограммæ æххæст кæнынмæ 1-æм январæй æрæвналынæн. Кæй зæгъын æй хъæуы, цы бадзырдтæ нын ис, æппæт проекттæ 2020 азы 30 мартмæ бацæттæ кæныны фæдыл, уыдон мах рахастам 1-æм январмæ. Уый бæрæг æнтыст у», – банысан кодта Президент.
Йæ рады, Игорь Кошин банысан кодта, 2019 азы Инвестицион программæйы бирæ объектты фæдыл кæй бачындæуыд стыр куыст, банысан кодта, зæгъгæ, иумæйагæй республикæйы кæй цæуы зынгæ ивындзинæдтæ.
«2018 азы Инвестпрограммæ практикон æгъдауæй æххæст æрцыд 100 процентæй, афтæ уыд фыццаг хатт. Уæд цахæм бæрзонд темптæ уыд, уый нын ныфс дæтты, ацы азы дæр объектты арæзтад рæстæгыл кæй фæуыдзæн. Æмæ бæрæг у, абон мах кæй кусæм графиктæм гæсгæ», – банысан кодта уый.
Цæгат Кавказы хъуыддæгты фæдыл УФ-йы министры хæдивæг ма банысан кодта, зæгъгæ, объективон аххосæгтæм гæсгæ арæзтадон процесс, гæнæн ис æмæ алы хатт æххæст ма цæуа планмæ гæсгæ æмæ сæйраг хæс у, цæмæй подрядон организацитæн æмбæлон уавæртæ арæзт цæуа фи-нанскæнынады, проектон-сметон документацийæ ифтонг кæнын æмæ контроль кæнын фæдыл.
РХИ-йы Президенты æмæ Хицауады пресс-службæ
Comments are closed, but trackbacks and pingbacks are open.