Ног азы хæдразмæ мæ кæрты фæурæдта рог хæдтулгæ. Рахызт дзы поселочы администрацийы кусæг Санахъоты Алыксандр. Æрбацыд мæм хæстæг æмæ мын загъта, зæгъгæ, районы администрацийы сæргълæууæг Тыбылты Вандæ ас адæмæн уары ногазон лæвæрттæ, номхыгъды ды дæр дæ æмæ йæ райсынмæ ма базивæг кæн.

Æз æмæ ма мæ сыхæгтæ Джиоты Лидæ, Козаты Сæлимæт, Гасситы Госæ æмæ æндæртæ райстам нæ лæвæрттæ. Нæ карæнтæм ахæм хорз ахасты тыххæй йын загътам бузныг æмæ йын раарфæ кодтам ног аз æмæ йæ фæстæ бæрæгбонты цытæн.

Дарддæр ма Алыксандр банысан кодта, зæгъгæ, кæд цæрæнбонты цæрын æмæ кусын Дзауы районы, уæддæр ахæм ногазон лæвар райстон фыццаг хатт. Кæй зæгъын æй хъæуы, цы лæвæрттæ райстам, уыдон нын цæрæнбонты фаг нæ уыдзысты, сæ сæйраг нысаниуæг уый у, æмæ районы разамонæг не ‘мкарæнты дæр кæй нæ рох кæны, кæй ныл ауды, уый.

                                                                                     Джиоты Павел