Ноджы ма нæ иу æмзæххон сылгоймаг – УФ-йы Хъахъхъæнынады министрады æфсæддон госпиталы медицинон хо-анестезист, ефрейтор Музиаты Залинæ йæхи равдыста хъæбатырæй æмæ аирвæзын кодта фронты раззаг хаххы 300 фылдæр хæстоны цард.

«Музиаты Залинæ раззагон медицинон къорды сконды, фронты раззаг хаххы тæссаг уавæрты ныхмæлæууæджы артиллерийы тыхджын æхстыты бын бæрзонд профессионалон фæлтæрддзинады фæрцы ефрейтор сæххæст кодта анестезиологон характеры 300 мадзалы бæрц, уыцы нымæцы тугауадзыны 10 мадзалы. Иумæйаг наркозы фæрцы 300 фылдæр æнтыстджын оперативон хирургион операцийы скодтой æфсæддон дохтыртæ.

 

***

Битеты Таймураз

Уæрæсейы Федерацийы Президент Владимир Путины Барамындæй хуссарирыстойнаг хæстон, 4-æм уæрæсейаг æфсæддон базæйы æфсæддон службæгæнæг Битеты Таймураз Солтаны фырт хорзæхджын æрцыд Жуковы майданæй равдисгæ удуæлдайдзинад æмæ хъайтардзинады тыххæй.

***

Хуыбиаты Руслан

Уæрæсейы Федерацийы Хъахъхъæнынады министры бардзырдæй ирон хæстон Хуыбиаты Руслан Сосланы фырт хорзæхджын æрцыд «Участнику специальной военной опреации»-йы майданæй Украинæйы хæстон архайдтыты рæстæджы хъайтардзинад кæй равдыста, уый тых-хæй.

***

Тедеты Сослан

Æхсардзинад равдисыны тыххæй цæгатирыстойнаг Тедеты Сослан Ильяйы фыртæн саккаг кодтой Уæрæсейы Хъахъхъæнынады министрады хорзæх «За боевые отличия»-йы орден. Сослан фыццаг бонтæй фæстæмæ хайад исы сæрмагонд æфсæддон операцийы.

***

Бязырты Феликс

4-æм уæрæсейаг æфсæддон базæйы æфсæддон службæгæнæг, хуссарирыстойнаг Бязырты Феликс Эдуарды фырт хорзæхджын æрцыд УФ-йы Хъахъхъæнынады орден «За боевые отличия»-йæ. Феликс сæрмагонд æфсæддон операцийы архайы ивгъуыд азы марты мæйæ фæстæмæ.

***

Дриаты Артем

Хуссарирыстойнаг бархион Дриаты Артем Нугзары фыртæн саккаг кодтой «За боевые отличия»-йы майдан сæрмагонд æфсæддон операцийы равдисгæ удуæлдайдзинад æмæ æхсардзинады тыххæй. Артем сæрмагонд æфсæддон операцийы хайад исы ивгъуыд азы июлы мæйæ фæстæмæ.

***

Козаты Олег

Уæрæсейы Федерацийы Президенты Барамындæй цæгатирыстойнаг хæстон Козаты Олег Æхсарбеджы фыртæн саккаг кодтой Жуковы майдан сæрмагонд æфсæддон операцийы хæстон архайдтыты рæстæджы равдисгæ удуæлдайдзинад æмæ хисæрмагонд хъæбатырдзинады тыххæй.

Нæ уацх.

Добавить комментарий

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.