Нæ фæсивæдæй Уæрæсейы уæлдæр ахуыргæнæндæттæм «лимитæй» кæй арвыстой, уыдонæй бирæтæ фесты цæстæвæрæн æмæ сæ алыгъуызон хорзæхтæ раттыны хуызы фæхицæн кæнынц иннæтæй. Уыдоны ‘хсæн сты Хъуылымбегты Заринæ æмæ Хуыгаты Амандæ дæр, кæцытæ æрвыст æрцыдысты Мидхъуыддæгты министрады хаххыл.

Нижегороды академийы экономикон æдасдзинад æмæ коррупцийы ныхмæархайды факультеты 4-æм курсы курсант Хъуылымбегты Заринæ хорзæхджын æрцыд 2-аг къæпхæны дипломæй. Заринæ æнтыстджынæй хайад райста кафедрæты ‘хсæн зонадон кружок «Актуальные проблемы использования специальных экономических знаний при выявлении и доказывании преступлений экономической направленности»-йы, кæцы уагъд æрцыд академийы базæйы.

Зонадон-иртасæн архайады активон хайад кæй исы, уый фæдыл ма Нижегороды академийы экономикон æдасдзинад æмæ коррупцийы ныхмæархайды факультеты 2-æм курсы курсант Хуыгаты Амандæйы та схорзæхджын кодтой Кады грамотæйæ. Амандæ иттæг хорз ны-сæнттыл каст фæцис Цхинвалы астæуккаг скъола «Альбион» æмæ ныр уæлдæр ахуыргæнæндоны йæ службæйон хæстæ дæр æххæст кæны бæрзонд æмвæзадыл.

Нæ курсанттæ фесты цæстæвæрæн

«Нæ хæдзарвæндагæй барадхъахъхъæнæг органты никуы ничи куыста. Мæ фыд актер у æмæ æз дæр бæллыдтæн актрисæ суæвынмæ. Фæлæ мæ милицийы професси дæр йæхимæ тынг æлвæста – чысылæй фæстæмæ уарзтон ми-лицийы куыстимæ баст кинотæм æмæ сериалтæм кæсын. Мæ ныййарджытæ дæр мæ фæндыл сразы сты, æнтыстджынæй радтон фæлварæнтæ æмæ ныр тырнын, цæмæй Уæрæсейы зæххыл нæ республикæйы кад дæлæмæ ма æруадзон. Ам дæр мын фадат ис мæ курдиатæй спайда кæнынæн – хайад фæисын конкурсты ораторон дæсныйадæй», – зæгъы Амандæ.

ДЖИОТЫ Алыксандр

Comments are closed, but trackbacks and pingbacks are open.