Ирон адæмы æнувыд фæтæг Хетæгкаты Къостайы райгуырдыл 159 азы цытæн Хуссар Ирыстоны национ музейы. Ацы бæстыхайы иу хайы арæзт æрцыдис Къостайы ном арынæн равдыст. Мадзалмæ фæуазæг сты 1-æм скъолайы 4-æм «а» къласы æмæ 12-æм скъолайы ахуыргæнинæгтæ.
Фыццаг уал музейы сæргълæууæг Зассеты Мераб скъоладзаутæн равдыста музейы экспонаттæ. Бæстон сын æрдзырдта алкæцы дзаумайы тыххæй дæр, нæ фыдæлтæ куыд цардысты æмæ цахæм кусæнгæрзтæй пайда кодтой. Сывæллæттæ йæм тынг цымыдисæй хъуыстой, сæ цæстытæ нæ истой экспонаттæй.
Уый фæстæ Зассеты Мераб бузныджы ныхæстæ загъта скъоладзаутæн æмæ сæ ахуыргæнджытæн, кæй сæм фæуазæг сты æмæ банысан кодта, зæгъгæ, скъоладзаутæ æрмæст Къостайы нæ, фæлæ ма ирон æгъдæуттæ дæр ма хъуамæ рох кæной. Скъоладзаутæ радзырдтой æмдзæвгæтæ, сæххæст кодтой зарджытæ æмæ равдыстой чысыл инсценировкæтæ.
Мадзал рауад тынг цымыдисон. Ӕхцондзинад дзы райстой куыд -ахуыргæнинæгтæ æмæ ахуыргæнджытæ, афтæ ма музейы кусджытæ дæр.
Джиоты Александр
Comments are closed, but trackbacks and pingbacks are open.