17-æм майæ 24-æм маймæ Хуссар Ирыстоны территорийыл æрцыдис дыууæ   фыдракæнды æмæ раргом сты. Наркотикон буарадтӕй ӕнӕзакъонӕй спайда кӕныны тыххӕй урӕд ӕрцыдысты цалдӕр ӕмбӕстаджы. Уымæй уæлдай ма республикӕйы фӕндӕгтыл ӕрцыдис цыппар фæндагон-транспортон цауы.

Алыгъуызон бархалыны фӕдыл горæт Цхинвалы мидхъуыддæгты управленийы кусджытæ бӕрндзинадмӕ æркодтой иу адӕймаджы.

Фæндагон змæлды æдасдзинады инспекци къуырийы дæргъы сбæлвырд кодта 210 фæткхалæн цауы. Уыдонæй 10 уыдысты нозтджынæй машинæ скъæрыны цаутæ.

Знауыры районы Аунеуы хъæумæ æввахс милицийы стационарон посты урæд æрцыдис автомашинæ «Mersedes», кæцыйы шофыр разынд нæ горæты 36-аздзыд цæрæг. Документтæ сгарыны рæстæджы машинæйы бæлццон, 25-аздзыд горæттаг цæрæг, рахызт æмæ хъаугъа самадта фæндагон змæлды æдасдзинады инспекторимæ. Фыдгæнæг ахст æрцыд æмæ медицинон басгæрст куыд рабæрæг кодта, афтæмæй разынд нозтджын æмæ ма спайда кодта наркотикон буарад «марихуана»-йæ дæр. Шофыр дæр разынд нозтджын.

Милицийы наркотикты ӕрзылдыл контроль кӕныны управленийы кусджытӕ къуырийы дæргъы баурӕдтой фондз горæттаг æмæ иу та Цхинвалы районы Къостайыхъæуы цæрджыты, кæцытæм сæ зæрдæ фехсайдта наркотикон буарадтæй спайда кæнынмæ. Фæткхалджытæ нæ бакуымдтой медицинон басгæрстмæ æмæ сæ горæт Цхинвалы тæрхондон фæивар кодта.

23-æм майы Ленингоры районы Гъдулеты хъæуы арæнхъахъхъæнджытæ баурæдтой Цъинагары хъæуы 62-аздзыд цæрæджы, кæцы ахызт паддзахадон арæны сæрты. Фæткхалæг конд æрцыд карантинмæ 14 боны æмгъуыдмæ.

Comments are closed, but trackbacks and pingbacks are open.