13 ноябрæй 20 ноябрмæ Хуссар Ирыстоны территорийыл ӕрцыд иу фыдракæнд. Наркотикон буарадтӕй ӕнӕзакъонӕй спайда кӕныны тыххӕй урӕд ӕрцыдысты цалдӕр ӕмбӕстаджы. Къуырийы дæргъы республикæйы фæндæгтыл æрцыдис дыууӕ фæндагон-транспортон цауы. Авариты фæстиуæгæн рынчындонмæ алыгъуызон цæфтимæ бахаудтой дыууӕ адæймаджы.
Алыгъуызон бархалыны фӕдыл горӕты милицийы управленийы кусджытӕ бӕрндзинадмӕ ӕркодтой 6 адӕймаджы.
Фæндагон змæлды æдасдзинады инспекци къуырийы дæргъы сбæлвырд кодта 307 фæткхалæн цауы. Уыдонæй 8 шофыры разындысты нозтджынтӕ кӕнӕ та уыдысты наркотикты ӕндӕвдады бын.
15 ноябры милицийы наркотикты ӕрзылды контроль кӕныны управленийы кусджытӕ фӕндагон змӕлды ӕдасдзинады ӕмӕ ОМОН-ы кусджытимӕ иумӕ баурӕдтой зӕрдӕхсайгӕ автомашинӕ «ВАЗ-21705», кӕцыйы шофыр разынд нӕ горӕты 27-аздзыд цӕрӕг. Басгӕрсты рӕстӕджы машинӕйы ссардтой гӕххӕтты тыхтон цъӕхбын ссадӕгимӕ. Эксперттӕ куыд рабӕрӕг кодтой, афтӕмӕй ацы ссадӕг разынд мари-хуана. Шофыр нӕ бакуымдта медицинон басгӕрстмӕ дӕр, бакодтой йыл ӕртӕ административон суагъӕйы ӕмӕ йӕ тӕрхондон фӕивар кодта 94 мин сомы.
16 ноябры милицимӕ фехъусын кодтой, зӕгъгӕ Цхинвал-Дзауы 6-ӕм километры ссыгъд ӕртагкӕнӕн станцы цистернӕ. Бынатмӕ ӕвӕстиатӕй бацыдысты, зынгхуыссынгӕнӕн службӕйы кусджытӕ ӕмӕ ахуыссын кодтой зынгсирвӕзт. Рынчындонмӕ алыгъуызон сыгъдтытимӕ бахаудтой 66 ӕмӕ 41-аздзыд горӕттаг цӕрджытӕ.
16 ноябры Ленингоры районы милицийы управ-ленийы кусджытӕ оперативон информацийы фӕдыл басгӕрстой Орчъосаны хъӕугӕрӕттӕ ӕмӕ дзы ссардтой 22 гӕны къутӕры.
17 ноябры милицимӕ фехъусын кодтой, зӕгъгӕ, Ленингоры районы Гъдулеты хъӕуы зынг сирвӕзт агъуыстыл, кӕцыйы уыдис холлагы бастытӕ 370 бӕрц. Зынгхуыссынгӕнӕн службӕйы кусджытӕ арт ахуыссын кодтой, фӕлӕ холлӕгтӕ нал бӕззынц спайда кӕнынӕн.
19 ноябры горӕт Цхинвалы Сомихы уынгыл хисӕрмагонд хӕдзары агъуыст ныккалд. Хӕдзары уыцы рӕстӕджы уыдысты 36-аздзыд бынӕттон цӕрӕг йӕ 14-аздзыд чызгимӕ. Цӕрджытӕ ӕвыдӕй баззадысты, фӕлӕ уыцы хӕдзары уӕвӕн нал ис – кӕронмӕ ныккӕлынӕй йын тас у.
Цхинвалы районы милицийы кусджытæн рейдон мадзæлттæ уадзыны рæстæджы баурæдтой цыппар адӕймаджы – иу дзы спайда кодта марихуанайӕ, ӕртӕйӕ нӕ бакуымдтой медицинон басгӕрстмӕ ӕмӕ сӕ тӕрхондон фӕивар кодта. Дзауы ӕмӕ Ленингоры районты милицийы кусджытæ дæр баурæдтой 5 фӕткхалӕджы, кæцытæ спайда кодтой марихуанайæ. Наркотикты æрзылды контроль кæныны управленийы кусджытæ дӕр баурæдтой 22-аздзыд бынæттон цæрæджы, кæцы спайда кодта мари-хуанайæ.
