20 июнæй 27 июнмæ Хуссар Ирыстоны территорийыл æрцыдис иу фыдракæнд æмæ раргом ис. Наркотикон буарадтӕй ӕнӕзакъонӕй спайда кӕныны тыххӕй урӕд ӕрцыдысты цалдӕр ӕмбӕстаджы. Уымæй уæлдай ма республикӕйы фӕндӕгтыл ӕрцыдис цыппар фæндагон-транспортон цауы. Авариты фæстиуæгæн рынчындонмæ алыгъуызон цæфтимæ бахаудта иу адæймаг.
Алыгъуызон бархалыны фӕдыл бӕрндзинадмӕ конд ӕрцыдысты цыппар адӕймаджы.
Фæндагон змæлды æдасдзинады инспекци къуырийы дæргъы сбæлвырд кодта 334 фæткхалæн цауы. Уыдонæй 9 уыдысты нозтджынæй машинæ скъæрыны цаутæ.
20 июны милицимæ фехъусын кодтой, зæгъгæ Цхинвалы районы Дменисы хъæуы 80-аздзыд цæрæг хæдзарæй ацыд æмæ нал æрбаздæхт. Оперативон-агурæн мадзæлттæ ауадзыны фæстиуæгæн сæфт адæймаджы мардæй ссардтой донхæрæн къанауы. Ныридæгæн уагъд цæуынц слестгæнæн куыстытæ, цæмæй сбæрæг кæной лæджы амæлæты аххосæгтæ.
Горæт Цхинвалы милицийы фæдагуырды кусджытæ баурæдтой нæ горæты 35-аздзыд цæрæджы, кæцымæ сæ зæрдæ фехсайдта наркотиктæй спайда кæнынæй. Фæткхалæг нæ бакуымдта медицинон басгæрстмæ. Уымæй уæлдай ма милицийы наркотикты ӕрзылдыл контроль кӕныны управленийы кусджытӕ баурӕдтой 46-аздзыд горæттаг цæрæджы, кæцы спайда кодта наркотикон буарад «марихуана»-йæ.
Comments are closed, but trackbacks and pingbacks are open.