26 январы официалон визиты рæстæджы РХИ-йы Фæсарæйнаг хъуыддæгты министр Медойты Димитр хайад райста Республикæ Науруйы ног дизель-генераторон станци гом кæныны церемонийы. Уый арæзт æрцыд Австрали, Инди, Тайван æмæ Евросоюзы æххуысæй.
Ацы проектæн ис стыр нысаниуæг, уымæн æмæ æнæхъæн Республикæ Науруйы инфраструктурæ æдасæй ифтонг кæндзæни. Республикæ Науруйы Президент Барон Вака цытджын уавæры алыг кодта сырх лентæ æмæ арæзтад скусын кодта.
Йæ разныхасы Барон Вака раарфæ кодта æрæмбырд-уæвджытæн станцы байгом кæныны цытæн. Загъта, зæгъгæ, Науруйы хæдбардзинадыл 50 азы кæй æхæст кæны, уый цытæн у хорз лæвар. Æмæ банысан кодта, ацы арæзтад æмæ йæ гом кæныны хъуыддаг бæстæйы кæй ифтонг кæндзæн электроэнергийæ.
* * *
Республикæ Науруйы Президент Барон Вака йæ резиден-цийы йæхимæ райста РХИ-йы Фæсарæйнаг хъуыддæгты министр Медойты Димитры.
Фембæлды рæстæджы министр бузныджы ныхæстæ загъта Президентæн, кæй йæ фæхуыдта æмæ республикæйы къухдариуæгадæн та, 2009 азы РХИ-йы хæдбардзинад кæй банымадтой, уый тыххæй.
Медойты Димитр ма Барон Вакамæ радта РХИ-йы Президент Бибылты Анатолийы арфæйы фыстæг Республикæ Науруйы сæйраг националон бæрæгбон – Хæдбардзинад райсыны боны цытæн .
РХИ-йы Фæсарæйнаг хъуыддæгты
министрады пресс-службæ
Comments are closed, but trackbacks and pingbacks are open.