Астæуккаг иумиагахуырадон скъолайы ахуыргæнгæйæ адæймаг райсы алыгъуызон æнæмæнгхъæуæг зонындзинæдтæ, кæцытæ йын фæахъаз вæййынц фидæны æмбæлон æгъдауæй йæ равзаргæ дæсныйад сахуыр кæнынæн дæр. Скъолайы цы бирæ предметтæ амынд фæцæуынц, уыдонæй алкæцыдæр сывæллоны зæрдæйы ссары йæхи бынат. Ахуыргæнинæгтæ цæмæй ахуыргæнæн предметтæ хуыздæр æмбарой, уый тыххæй скъолаты уагъд фæцæуынц гом уроктæ, викторинæтæ, алыгъуызон конкурстæ æмæ æндæр мадзæлттæ. Уыдонæй алкæцыдæр бандавы сывæллоны зонындзинæдтæ фæхуыздæр кæныныл æмæ ноджы хуыздæр райхæлынц сæ æвзыгъддзинæдтæ.
Нæ горæты 5-æм астæуккаг скъолайы дæр декабры мæйы фыццаг æмбисы уагъд æрцыдис æрвылазон «æйы къуыри». Йæ фæлгæтты уагъд æрцыдысты уæлдæр ранымадгонд мадзæлттæ, афтæ ма бацæттæ кодтой тематикон къулын газеттæ. Къуырийы дæргъы мадзæлтты скъолайы ахуыргæнинæгтæ архайдтой активонæй. Хайад дзы райстой хистæр кълæсты ахуыргæнинæгтæ. Хуынд-иу сæм æрцыдысты нæ республикæйы ахуырады къабазы минæвæрттæ.
Мадзал цытджын æгъдауæй æхгæд æрцыд 12-æм декабры æмæ йæ куыстæн арæзт æрцыдысты хатдзæгтæ. Ацы бон дæр «æйы къуыри»-йы фæлгæтты уагъд æрцыдис 7-æм къласы гом урок, кæцы уагъта скъолайы математикæйы ахуыргæнæг Дзæгъиаты Жаннæ. Гом урокмæ хъусынмæ æрбацыдысты РХИ-йы Ахуырад æмæ зонады министр Гасситы Натали, йæ хæдивæг Гаглойты Элиса. Ахуырад æмæ зонады министрады иумиаг æмæ уæлæмхас ахуырады хайады гæс Джиоты Нинæ, горæты администрацийы ахуырады управленийы минæвæрттæ Гæджиты Луизæ, Гæбæраты Жаннæ, горæты æмæ районты скъолаты ахуыргæнджытæ. Урокмæ байхъусын фæстæ Дзæгъиаты Жаннæ æмæ йæ ахуыргæнинæгты куыстæн скодтой аккаг аргъ.
«Математикæйы къуыри»-йы кæронбæттæны та скъолайы актон залы уагъд æрцыд мадзал, цыран ахуыргæнинæгтæ æрдзырдтой математикæйы предмет сын царды цы æххуыс у æмæ зынгæ ахуыргонд адæймæгтæ математикæйы тыххæй цы хъуыдытæ загътой, уыдоныл. Æрдзырдтой ма математикæйы сусæгдзинæдтæ рафæлгъауыныл куыд фæцалх сты ууыл. Афтæ ма бузныджы ныхæстæ дзырдтой сæ ахуыргæнджытæн дæр.
Сæ бацæттæгонд бадзал ма ахуыргæнинæгтæ барæсугъд кодтой музыкалон номыртæй, сæххæст кодтой зарджытæ æмæ кæфтытæ. Уый фæстæ «Математикæйы къуыри» ауадзыны фæстиуджытыл æрдзырдта скъолайы директор Бестауты Азæ. Уый банысан кодта уæлдай активондæр хайад дзы цы ахуыргæнинæгтæ райстой, уыдоныл. Бузныг загъта, хайад дзы цы ахуыргæнджытæ райстой, уыдонæн дæр.
Нæ горæты администрацийы ахуырады управленийы методикон кабинеты гæс Гæбæраты Жаннæ банысан кодта дæр 5-æм скъолайы «Математикæйы къуыри» кæй ацыд æмбæлон æмвæзадыл.
Банысан кæнын та хъæуы уый дæр æмæ «Математикæйы къуыри»-йы фæлгæтты гом уроктæ æмæ æндæр мадзæлттæ уагъд кæй æрцыдис физикæ æмæ информатикæйы предметтæй дæр.
Туаты Ларисæ
Comments are closed, but trackbacks and pingbacks are open.