РХИ-йы Хицауады хæстæ æххæстгæнæг Бекъойты Геннади æмбырд ауагъта паддзахадон фæдзæхстон компани арæнгонд бæрндзинады æхсæнад «Алани»-йы  хъусдарæг советы уæнгтимæ. Йæ куысты хайад райста компанийы генералон директор Тедеты Рудольф.

Æмбырды уынаффæ цыдис 2021 азæн фæдзæхстон компанийы куысты планыл, кæцыйы бавдыста Тедеты Рудольф. Афтæ ма дзырд цыдис автофæдзæхстады къабазы закъондæттынад дарддæр хуыздæр кæныны фарстатыл.

Хъусдарæг совет, кæцыйы сконды сты Бекъойты Геннади,  Хицауады аппараты къухдариуæггæнæг Азæмæт Чамоков, Финансты министры хæстæ æххæстгæнæг Хæбæлаты Азæ, бахæс кодтой Тедеты Рудольфæн, цæмæй бакуса республикæйы автоæмбæс-тагон бæрндзинады æнæмæнг фæдзæхстады (ОСАГО) фæдыл барадон фарстатыл.

«Республикæйы автомашинæты хицæутты æмбæстагон бæрндзинады æнæмæнг фæдзæхстад бакæнын сæвзæрыдис ныры домæнтæм гæсгæ. Æнæмæнг автофæдзæхстад, фæндагон транспортон цауы фæстиуæгæн кæмæн разианчындæуыд, уыцы адæймагæн гаранти дæтты компенсаци райсыны тыххæй, цæмæй йæ автомашинæ æмбæлон уагмæ æркæна кæнæ йе ‘нæниздзинад сæндидзын кæна паддзахадон фæдзæхстадон компанийы æххуысæй. ОСАГО бакæ-нын фæахъаз уыдзæн машинæ скъæрыны культурæ фæхуыздæр кæнынæн, фенцондæр уыдзæн авариты фæстæ быцæутæ бæстон кæнынæн. Кæй зæгъын æй хъæуы, уый нæ уыдзæн иурæстæгон къахдзæф. Хъæуы лæмбынæг бакусын барадмæ хауæг æппæт фарстытыл дæр, кæцытæ хауынц канд æнæмæнг автофæдзæхстад бакæнынмæ нæ, фæлæ информацион ифтонгадмæ дæр. Афтæ ма хъæуы бæрæг фæлдзæуæн рæстæг дæр, цæмæй нæ шофырты бауырна, ахæм къахдзæфы ахсджиагдзинад», –  банысан кодта Бекъойты Геннади.

Банысан кæнын хъæуы уый æмæ 2006 азы Республикæйы Хицауад уынаффæ кæй райста паддзахадон фæдзæхстадон компани «Алани»-йы арæнгонд бæрндзинады æхсæнадмæ ракæныны тыххæй паддзахады сæдæпроцентон хайадистæй. Фæлæ ацы здæхты куыст сног æрмæстдæр 2019 азы.

Comments are closed, but trackbacks and pingbacks are open.