Хицауады ист æрцыд уынаффæ, цæмæй Республикæ Хуссар Ирыстоны Автомобилон фæндæгты арæзтад æмæ эксплуатацийы фæдыл комитеты ведомствæйон дæлбармæ лæвæрд æрцæуой паддзахадон унитарон куыстуæттæ «Стройхозконтроль», «Дирекция по строительству и реконструкции Республиканского стадиона», «Югторг-Алания» æмæ «Югосетстройинвест». Абоны бон уыдон сты æнæведомствæйон дæлбарæй.
Комитеты сæрдар Елдзарты Константин куыд банысан кодта, афтæмæй, Паддзахадон унитарон куыстуат «Завод строительных изделий»-йы куыст соптимизаци кæныны фæдыл арæзт æрцыд мадзæлтты фæд-фæдылон пълан, цæмæй оклад кæмæн ис, фæлæ арæзтадон процессты чи нæ архайы, уыдон дæр куыстмыздæй ифтонггонд уой.
«Ацы пълан среализаци кæнынæн сæйраг къахдзæфтæй сæ иу у Паддзахадон унитарон куыстуат „ЗСИ“ адих кæнын хицæн паддзахадон унитарон куыстуæттыл. Уыимæ сæ алчидæр архайдзæн йæхи специализацийæ æмæ нæ архайдзæн уымæ цы куыст нæ хауы, ууыл. Се ’хсæн бастдзинад æмæ координаци уагъд цæудзæн цы ведомствойы фæлгæтты сты, уыдон хыгъдæй, æмæ сын фадат ратдзæн кæрæдзион ахастытæ адарддæр кæнынæн, уыимæ сæйраг архайдæй нæ фæиппæрд уæвгæйæ», — загъта Елдзарты Константин.
Уый ма банысан кодта, зæгъгæ, уыцы къахдзæф фадат ратдзæн дæлведомствæйон ресурстæ æнцондæрæй контроль кæнынæн æмæ сæвзæргæ уавæрты лæмæгъ бынæттæ бæрæг кæнынæн æмæ сæ аиуварс кæныны фæдыл мадзæлттæ райсыны тыххæй.
Ацы æрмæджытæ дæр бакæс:
ÆРНЫХАС КОДТОЙ ÆМБÆСТАГОН КОДЕКСЫ ИВЫНДЗИНÆДТÆ, ХОСГÆНÆН ИФТОНГАД ÆМÆ БАРАДÆЙ СПАЙДА КÆНЫНЫ МОНИТОРИНГЫЛ
Пухаты Эрик: «Паддзахадон унитарон куыстуæтты ахадгæ куыст кæнгæ у сæ къухдариуæггæнджытæй»
Тъехты Алан: «Паддзахадон унитарон куыстуæттæ бæстæйы бюджетмæ сæ хайбавæрд фæфылдæр кодтой дыууæ хатты»
РХИ-йы Хицауады Сæрдар Хъуылымбегты Доментийы хыгъд парламенты сессийы 2015 азы бакæнгæ куысты тыххæй
Боны фæткы – æндæр æмæ æндæр фарстытæ
