Коронавирусы фæстæ рæуджытæ сфидар кæнынæн баххуыс кæндзæн улæфæн гимнастикæ. Аллерголог-иммунолог Евгения Паршина куыд зæгъы, афтæмæй COVID-19-æй цы адæм фæрынчын сты, уыдонæн сæ æндидзыны процесстæ фæтагъддæр кæндзысты, улæфæн гимнастикæйæ куы архайой, уæд, афтæ ма специалон тренажертæй пайда кæнгæйæ.
Уыимæ иумæ, йæ ныхæстæм гæсгæ, æнæмæнг у фӕлтӕрӕнтӕ регуляронæй аразын, бон цалдæр хатты.
«Улæфæн гимнастикæ гæнæн ис аразын бадгæ кæнæ хуысгæйæ. Афтæ ма тренировкæтæ фадат дæттынц тонус бахъахъхъæнынæн», – банысан кодта Паршина.
Эксперт куыд банысан кодта, афтæмæй дохтырты хъусдарды бын гæнæн ис уадзӕн ингаляцитæ термикон гелиоксæй.
Специалсттæ сбæрæг кодтой халсарон продукттæ, кæцытæн сæ бон у COVID-19 нымæг кæнын. Ахуыргæндтæ сбæрæг кодтой, вирусы активондзинад 96,98 проценты кæй къаддæр кæны сау цъуй, 80 проценты та гранаты дон æмæ цъæх цай.
РАМН-ы Клиникон иммунологийы институты сыбыраг хайады хистæр зонадон кусæг æмæ вирусолог Александр Чепурнов нымайы, кæй хъæуы карз карантин бакæнын, цæмæй фæтых уæм COVID-19 ракӕнгӕ зиæнттыл. Уыимæ иумæ уый хъуамæ уа дыууæ къуырийæ фылдæр.
Позитивон цæвиттонæн уый æрхаста китайаг Ухань, цыран карз мадзæлттæ фадат радтой уавæр фæхуыздæр кæнынæн.
Эксперт загъта, зæгъгæ, ахæм уавæры экономикæйы æмæ медицинæйы дӕр уыдзæн зиæнттæ. Цы уыдзæн ахсджиагдӕр – негативон фæстуиджытæ, ӕви коронавирусыл фæтых уæвын, Чепурновæн йæ бон не ссис уымæн саргъ кæнын.
Comments are closed, but trackbacks and pingbacks are open.