Нæ горæты маршрутон такситæ графикмæ гæсгæ бирæ районтæм цæуынц. Ацы хъуыддаг цæрджытæн тынг рог кæны сæ къух, уымæн æмæ чи йæ куыстмæ фæтагъд кæны, чи та йæ хъуыддаджы фæстæ фæцæуы. Хъыгагæн, ацы маршрутон так-ситы лæггæдтæй цух сты нæ горæты иуæй-иу районты цæрджытæ. Зæгъæм, Хъайтарты уынджы кæрон, ома, 12-æм астæуккаг скъолайы районмæ нæ цæуы иунæг маршрутон такси дæр. Хъæугæ та æнæмæнгæй кæны, уымæн æмæ ацы районы бирæ адæм цæры.
ЦАРЗ-ы цы микрорайон ис, уырдæм цæуы æрмæстдæр иунæг 5-æм маршрутон такси, фæлæ цæрджытæй бирæты къух нæ аразы ацы маршрут. Хъайтарты уынджы кæрон цы фондзуæладзыгон аварион корпус уыд, уый цæрджытæн фатертæ радтой ЦАРЗ-ы районы, фæлæ сæ сывæллæттæ, раздæр куыд уыд, афтæ ныр дæр ахуыр кæнынц 12-æм астæуккаг скъолайы, сæ сабитæ та цæуынц, ацы районы цы сабидон ис, уырдæм. Афтæмæй ЦАРЗ-æй 12-æм скъолайы районмæ маршрутон такси кæй нæ цæуы, уый фæстиуæгæн цæрджытæ æвзарынц стыр зындзинæдтæ. Алкæмæн хисæрмагонд транспорт кæцæй ис æмæ чи таксийыл йæ мæгуыр къапеччытæ хардз кæны, чи та сæрдæй-зымæгæй къахæй фæцæуы ахæм стыр дæрддзæджы.
Хорз уаид, ацы проблемæ кæмæ хауы, уыдон куы бахынциккой цæрджыты домæн æмæ ацы районмæ, кæнæ та Октябры уынджы кæронмæ маршрут куы бакæниккой, уый. Уæд тынг фæрог кæниккой 12-æм скъолайы районы цæрджыты уавæр.
Нæ уацх.
Comments are closed, but trackbacks and pingbacks are open.