«Республикæ Хуссар Ирыстоны чысыл амалиуæгады субъекттæн льготон кредиттæ дæттыны тыххæй»  Республикæ Хуссар Ирыстоны 2018 азы 27-æм апрелы закъонмæ æмæ Республикæ Хуссар Ирыстоны чысыл амалиуæгады льготон кредиттæ дæттыны Фонды æвджидады советы уынаффæмæ гæсгæ ра-сидт æрцыд конкурс 2019 азы 15-æм январæй 2019 азы 15-æм февралмæ льготон кредиттæ радтыны тыххæй.

Заявкæтæ лæвæрд цæуынц Республикæ Хуссар Ирыстоны Экономикон рæзты министрадмæ, цыран уагъд цæудзæн бизнес-проектты фыццаг равзæрст ахæм документты бындурыл:

– æнæ юридикон цæсгом суæвгæйæ  амалиуæггæнæджы срегистраци кæныны тыххæй æвдисæндары халдих кæнæ юридикон цæсгом срегистраци кæныны тыххæй æвдисæндары халдих;

– хъалонты хыгъды слæууыны тыххæй æвдисæндары халдих;

– æфстаудæттæджы къухдариуæггæнæджы (юридикон цæсгом не суæвгæйæ амалиуæггæнæджы) æмæ сæйраг бухгалтеры паспорты халдих;

– фæстаг хыгъдон рæстæджы баланс (юридикон цæсгом не суæвгæйæ амалиуæггæнджытæн  деклараци);

– Республикæ Хуссар Ирыстоны бюджетон системæмæ хъалонты, æхцайы æмбырдты æмæ æндæр фиддонты фæдыл хæстæ кæй нæ дарынц, уый тыххæй хъалонты органы бæрæггæххæтт;

– фæстаг хыгъдон рæстæгæн кусджыты астæуккаг куыстмызды тыххæй бæрæггæххæтт;

– экономикон архайды хуызы тыххæй ЕГРЮЛ (ЕГРИП)-æй рафыст;

– льготон кредит сифтонг кæныны хуызы исады бартæ фидаргæнæг документтæ;

– амалиуæггæнæджы архайд кæм æххæст цæуы, уыцы бæстыхайы арендæ кæнæ исбонады бартæ фидаргæнæг документтæ;

– кредит райсыны æмæ раздахыны бизнес-план (экономикон æгъдауæй раст арæзт).

Æрбавдисгæ документы халдихтæ оригиналты хуызæн кæй сты, уый сбæлвырд кæнгæйæ, фидар цæуынц  куырдиат бадæттæджы къухфыстæй (æмæ мыхуырæй, кæд ахæм ис, уæд).

Comments are closed, but trackbacks and pingbacks are open.