РХИ-йы Президенты Паддзахадон уынаффæгæнæг Коцты Константин радзырдта Уæрæсейы Федерацимæ Республикæ Хуссар Ирыстоны Президент Бибылты Анатолийы официалон балцы рæстæджы УФ æмæ РХИ-йы паддзахадты сæргълæуджыты фембæлды фæстиуджыты тыххæй, афтæ ма сæ бадзырдты тыххæй дæр:
– Ацы аз майы дыууæ паддзахады сæргълæуджытæн Сочийы уыд кусæгон фембæлд. Ныр та Мæскуымæ балц уыд официалон. Банысан кæнын хъæуы уый, æмæ Уæрæсейы Федерацимæ Хуссар Ирыстоны Президенты официалон балцы рæстæджы фембæлд уыд бæрзонд æмвæзадыл.
Абоны бон официалон балц у паддзахадты сæргълæуджыты химæрайсты уæлдæр формæ. Официалон балцы форматы паддзахады сæргълæууæджы куыд райстæуыд, уый дзурæг у дыууæфарсон ахастыты бæрзонд гъæдыл æмæ, фысым бæстæ уыцы ахастытæн куыд аргъ кæны, ууыл. Суагъæмæ гæсгæ, уыцы балцыл бакуыстæуыд лæмбынæг, уый фæстиуæгæн балц ирдæй равдыста ирон-уæрæсейаг ахастыты сæрмагонд мидис. Уыцы ахастыты сæрмагонд нысаниуæг æвдыст уыд ахæм амæлттæй, куыд цытджын хъарагъулы оркестры музыкалон «Æрцæут нæм Къуайсамæ», Президентæн ирон историон реликви инæлар Хæбæлайы фырты хæстон æхсаргарды лæвæрд кæй æрцыд. Ахæм æнæнхъæлæджы лæвæрттæ æвдисæн сты бæрзонд уазæг æмæ цы паддзахадæй у, уымæ сæ хорз ахастытæн, æмæ йын стыр аргъ кæй кæнынц, уымæн, зæгъгæ, кæй азарыд, уый.
Дыууæ президенты сæрмагонд фембæлд æмæ рауæрæхгонд сконды бадзырдтæ се ‘ппæт дæр ацыдысты балцы гъæд æмæ æмвæзадмæ гæсгæ. Уынаффæ цы фарстатыл цыд, уыдоны номхыгъд дзурæг у ууыл, æмæ дыууæфарсон æмгуыстад цæуы уæрæхæй, стæй æмгуыстады алы фадгуыты – æдасдзинады къабазæй социалон-экономикон фарстаты онг, кæцытæ хауынц Хуссар Ирыстоны алы цæрæджы хæрзиуæгмæ дæр.
Уыцы фарстытæ хауынц пенсион ифтонгадмæ, 1992 азæй фæстæмæ куысты стаж банымайгæйæ, ирон фидауынгæнджыты социалон гарантитæ æмæ æнæниздзинад хъахъхъæныны фарстытæм, суанг санитарон авиацийы дæлхай саразыны онг, республикæйæн сæрмагонд ифтонггæрзтимæ верттæхджытæ радтгæйæ. Хъусдард аздæхтæуыд æддагполитикон здæхты æмархайдмæ, уыцы нымæцы женевæйаг фæзуаты Хуссар Ирыстоны æхсæнадæмон позицитæ раразмæ кæныны фарстатæм.
Фембæлд ацыд тынг хъуыддагон, кусæгон уавæрты, уыцы-иу рæстæджы тынг хæ-ларадон æмæ кæрæдзийыл æууæнчы уавæрты.
Паддзахадты сæргълæуджыты хайадистæй къухтæ æрфыстæуыд, Республикæ Хуссар Ирыстоны территорийыл æдзух чи цæры, Уæрæсейы Федерацийы уыцы æмбæстæгты фæдзæхстон организацийы фадыджы æмгуыстады, Уæрæсейы Федерацийы æмбæстæгты æнæмæнгхъæуæг медицинон фæдзæхсты системæйы æмæ сын Уæрæсейы Федерацийы медицинон организациты медицинон æххуыс бакæныны тыххæй Сразыдзинадыл.
МИА Хуссар Ирыстон абон
Comments are closed, but trackbacks and pingbacks are open.