Хуссар Ирыстон хайад райсдзæн Кавказаг инвестицион форумы – Хуссар Ирыстоны стенд æвдисдзæн Экономикон рæзты министрад. Афтæ ма хуссарирыстойнаг амалиуæггæнджытæн сæ бон у ацы мадзалы сæ продукци равдисын.

«Форумы сæйраг темæтæ сты инфраструктурæ, агросæудæджерадон комплекс, цæрæнуатон-коммуналон хæдзарад æмæ энергетикæ, туристон æмæ логистикон фадыг, сæндондард æмæ сæнарæзтад, кадрон хъомысад æмæ æндæрты рæзт. Форумы фæлгæтты уагъд цæудзæн равдыстытæ. Равдыстон программæ сбæлвырд кæндзæн Цæгат Кавказы хъæздыгдзинад, йæ культурæ æмæ традицитæ», – дзырдæуы Экономикон рæзты министрады пресс-службæйы хъусынгæнинаджы.

Кавказаг инвестицион форум уагъд æрцæудзæн 15-17 июлы горæт Грознайы. Уый у егъау æхсæнадæмон хъуыддагон мадзал, кæцы арæзт цæуы Цæгат Кавказы экономикæйы æмæ инвестицион хъомысады рæзты тыххæй.

Добавить комментарий

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.