Хуыцаубоны Каталонийы уагъд æрцыд хæдбардзинады тыххæй референдум, кæцыйы Мадрид нымайы æнæзакъононыл æмæ йæ Испаны Конституцион тæрхондон нæ банымадта. Автономон æмæхсæнады хицауады сæргълæууæг Карлес Пучдемон йæ рады фехъусын кодта, зæгъгæ, каталонийы æмбæстæгтæн сæ къухы бафтыд суверенитеты бар. «Абон уыд ныфсы бон æмæ Каталонийы æмбæстæгтæ рамбылдтой сæ бартæ хæдбар бæстæ суæвыны тыххæй», – загъта политик. Уымæй къуырийы раздæр та ахæм референдум, ома Иракы скондæй рахизыны тыххæй уагъд æрцыд Иракы Курдистаны.

Кæд æмæ Курдистан, Каталони æмæ æндæр ног паддзахадон иуæгтæн Ныгуы-лæн банымайа сæ хъуыды, уæд Абхаз æмæ Хуссар Ирыстонæн дæр фæзындзæн ног реалон æмцæдисонтæ æмæ Дунеон банымады шанстæ уайтагъд фæбæрзонддæр уыдзысты, – нымайы ЕАЭС-ы институты директор Владимир Лепехин. Æмбæрстгонд у уый, æмæ ацы дыууæ ног республикæйы юридикон æгъдауæй банымад нырма дард у, фæлæ йын бындур æвæрд æрцыд. Де-факто дунейы картæйы фæзындысты ноджы дыууæ территорийы, кæцытæ тырнынц хисæрмагонд паддзахаддзинад саразынмæ. Æмæ уый та нысан кæны, Европæ æмæ Æввахс Хурскæсæны принципиалон æгъдауæй ног уавæр кæй сæвзæрд, кæцы бацамынд регионты уæвæг ныхмæ-лæудтыты ракæндзæн ног æмвæзадмæ. Банысан кæнын хъæуы уый дæр, æмæ Хъырымы тыххæй æнæхъæн Ныгуылæн кæй растад Уæрæсейы ныхмæ. Æрдæгса-къадах æрмæстдæр раздæхт йæ раздæры арæнтæм йæ уæвынадæн тасдзинад куы сæвзæрд, уæд. Дыууæ милуан каталойнæгтæн сæ 90 процент загътой сæ хæдбардзинады тыххæй, Парламент дæр фехъусын кæндзæн йæ хæдбардзинады тыххæй. Косовойы паддзахады сырæзт ссис паддзахадон арæнты дих кæныны детонатор уыцы Европæйы.

Бафиппайын хъæуы уый, æмæ Вашингтон æмæ Брюссель кæй рахæцыдысты Косовойы æвварс, Сербийæн йæ территорийы иу хай ратонгæйæ, æмæ уый размæ та æмдзæгъд кодтой Советон республикæты Советон Цæдисы скондæй рахизыны тыххæй. Фæлæ уыдон уый фæстæ ралæууыдысты Абхазы, Хуссар Ирыстоны, Придностровье, Хъырым, Донбассы адæмты хи сбæрæг кæныны ныхмæ. АИШ æмæ НАТО рахæцыдысты албайнаг боевикты æвварс, кæцытæ фактон æгъдауæй бацахстой суверенон паддзахад Сербийы хай. Æмæ æрмæст йе ‘вварс нæ рахæцыдысты, фæлæ сокупаци кодтой Косовойы, (ома йæ дæттынц албайнæгтæн, фæлæ дзы æцæгæй та хъавыдысты америкæйаг сусæг-гаг анклав саразынмæ). Æмæ цæмæй Белграды фæтæрсын кодтаиккой, уый тыххæй йыл бомбæтæ æркалдтой. Бынтон æндæр уыд сæ хъуыды Ныгуылæнæн Хъырым æмæ Донбассмæ ахасты. Хъырым Украинæйы скондæй кæй рахызт, уый фæстиуæгæн АИШ æмæ Евроцæдис санкцитæ расидтысты æрдæгсакъадах æмæ Уæрæсейы ныхмæ, æмæ уый фæстæ та Уæрæсейы ныхмæ райдыдтой гибридон хæст. Донецк æмæ Луганскы адæмон Республикæты ныхмæ Ныгуылæн бандерæйæгты къух-тæй райдыдта æцæг хæст.

Ахæм дывæрсыг стандарттæн сæ бон нæ уыд, цæмæй бумерангæй ма раздæх-таиккой уыцы Европæмæ. Европæйы райдыдта национ хи сбæрæг кæныны тыххæй радон ныхмæлæуды процесс æмæ Испанийæ Каталонийы ахицæн, Стырбританийæ Шотландийы, Белгийæ – Фландрийы, Францæй – Корсикæйы, Германæй-Баварийы ахицæн. Евроцæдисæн йæхи мидæг дæр уавæр æндыгъд кæны, кæцыйы фæстиуæгæн Стырбританийы фæстæ Ев-роцæдисæй рахизынмæ цæттæ сты иуæй-иу æндæр паддзахадтæ дæр.

Аналогон процесстæ райдыдтой Æввахс Хурскæсæны дæр. Америкæйæгтæ Ирак, Ливи æмæ Сирийы кæй ныппырх кодтой æмæ «Ислаймаг паддзахады» боевиктæн кæй æххуыс кæнынц, уый фæстиуæгæн регионы райдыдтой курдаг къордты ныхмæлæудтытæн курдаг паддзахад саразыны тыххæй. Гæнæн ис æмæ тагъд рæстæджы Ливи ныппырх уа æппынкъаддæр дыууæ паддзахадыл æмæ Ирак та гæнæн ис æмæ æртæ паддзахадыл.

Еврокъамисы официалон минæвар Маргаритис Схинас каталонийы референдум схуыдта æнæзакъонон. Йæ ныхæстæм гæсгæ хъæлæсæппæрст уыд æнæзакъонон Испаны конституцимæ гæсгæ.

Comments are closed, but trackbacks and pingbacks are open.