Хуссар Ирыстоны Æфсæддон къамисариаты æфсæддон æрсидты компани кæронмæ бахæццæ. Республикæйы Гарзджын тыхты рæнхъытæм æрсиддонтæй, 18 азæй 27 азмæ кæуыл цæуы, уыдон æрвыст æрцыдысты мæйон ахуыртæм РХИ-йы Хъахъхъæнынады министрады ахуыргæнæн центр «Барс»-мæ.
Ацы ахуыргæнæн центры æрсиддонтæ – салдаттæ, æвзонг хæстоны курсы программæмæ гæсгæ рацæуынц райдиан æфсæддон цæттæдзинад. Уый фæстæ æрсиддонтæ цытджын ардбахæрды фæстæ æрвыст цæуынц министрады хицæн ахуыргæнæн ротæмæ, дарддæры æфсæддон службæ хæссыны тыххæй.
Æфсæддон – медицинон экспертизæйы уагæвæрды домындзинадмæ гæсгæ æрсиддонтæ рацыдысты медицинон басгæрст. Хъахъхъæнынады министрады пресс-службæйы куыд фехъусын кодтой, уымæ гæсгæ æфсæддон службæйæ иуварс æрцыдысты ахæм æвзонг лæппутæ, кæцытæн æфсæддон – медицинон къамис сбæрæг кодтой бæрæг низтæ.
Æфсæддон ахуырты администрацийы къухдариуæгады сконды сты Хуссар Ирыстоны Хъахъхъæнынады министрады фæлтæрд афицертæ. Æрсиддонтимæ уадзынц инструкторон æмæ методикон ахуыртæ. Афицертæ æххуыс кæнынц æрсиддонтæн æфсæддон службæйыл æрцахуыр уæвыны хъуыддаджы. Уыдон ифтонг сты æфсæддон службæ рацæуынæн æппæтæй дæр.
Хуссар Ирыстоны Гарзджын тыхты службæйы æмгъуыд у иу афæдз. Æфсæддон цæттæдзинад æмæ æфсæддон службæйы тыххæй закъонмæ ивындзинæдтæ ацы аз бахаста Хуссар Ирыстоны Парламент. Уымæ гæсгæ æфсæддон службæйы æмгъуыд 18 мæйæ фæкъаддæр 12 мæйы онг.
Comments are closed, but trackbacks and pingbacks are open.