Модӕты ательейы бӕстыхай сырӕзт ивгъуыд ӕнусы æмбисты ӕмӕ уӕдӕй абоны онг цӕстуарзонӕй лӕггад кӕны куыд нӕ горӕты, афтӕ республикӕйы районты ӕмбӕстӕгтӕн дӕр. Ам кусынц уӕлӕдарӕс хуыйджытӕ, къамисӕг, цардуагон техникӕ цалцӕггӕнджытӕ, дзабырхуыйджытӕ, хилдасджытӕ, ӕмӕ ӕндӕр ахӕмтӕ. Кӕй зӕгъын ӕй хъӕуы, ацы цардуагон уагдон дӕргъвӕтин азты дӕргъы мӕгуырауӕрдӕм тынг фӕивта йӕ хуыз. Уӕлдай тынгдӕр бахъыгдард 2008-ӕм азы августы хӕсты ӕмӕ ӕрцыд бынтон ӕдзӕллаг уавӕрмӕ. Цардуагон лӕггӕдты управленийы разамынд йӕ хистӕр Тасойты Анжелӕ. Куыд ма хъусын кодтам, афтӕмӕй амӕйразмӕ зӕронд рудзгуытӕ раивтой ног, пластикон рудзгуытӕй. Уымӕй дарддӕр агъуысты ӕддаг хуыз дӕр тынг фӕивта хуыздӕрӕрдӕм, аразджытӕ дзы цалцӕггӕнӕн куыстытӕ кӕй сӕххӕст кодтой, уый фӕстиуӕгӕн. Ныр та дзы ӕххӕст кӕнынц ӕндӕр цалцæггæнæн куыстытӕ. Фыццаджыдæр уал раивд æрцыдысты электрохæххытæ. Уыдоныл зӕрдиагӕй бацархайдтой электриктӕ Гӕбӕраты Георги, Бестауты Ӕхсар ӕмӕ Джиоты Роберт.
Ацы бонты та бæстыхайы мидæгæй æххæст цæуынц къулсæрдæн куыстытæ. Уымæй дарддæр ма къӕвдайы дон канализацион системӕмӕ нӕ цыд æмæ уыцы згъуыд дæр иуварс æрцыд.
Хуыбиаты Никъала
Comments are closed, but trackbacks and pingbacks are open.