Республикæ Хуссар Ирыстоны паддзахадон бюджет баххæст кæнынмæ уæзгæ бавæрд чи хæссы, уыцы организацитæй иу у æхгæд акционерон æхсæнад «Остелеком». Компанийы куысты тыххæй нын радзырдта йæ генералон директор Роман коврига.
Уый банысан кодта, зæгъгæ, компани «Остелеком» 2017 азы апрелæй абоны онг РХИ-йы Паддзахадон бюджетмæ бахаста 48 145 000 сомы. 2017 азы январæй афтæхуыйнæг радиочастотайы спектрæй пайда кæныны тыххæй фиддонтæ уыдысты 26 376 000 сомы.
2018 азы райдианæй «Остелеком» хъалонтæ фидын райдыдта сыгъдæг æфтиæгтæм гæсгæ. Фыццаг кварталы бафыстыты суммæ уыд 6 239 000 сомы. Дыккаг кварталы план цæуы 6 000 000 сомы бафидын.
Компани «Остелеком» бастдзинады лæггæдтæ кæныны, севисы гъæд фæбæрзонддæр кæныны æмæ йæ уыцы æмвæзадыл дарынæй дарддæр стыр хъусдард здахы хæрзаудæн архайдмæ. Цалдæр азы дæргъы компани активонæй æххуыс кæны алыгъуызон хæрзаудæн проекттæн, кæцытæ здæхт сты сывæллæттæ æмæ æххуысхъуаг цæрджытæм. Æхсæнадимæ компанийы ахастытæ арæзт цæуынц социалон æгъдауæй цæрджыты ахæм къордмæ куыдфæндыйы цæстæй кæй нæ кæсы, ахæм принциптыл. Социалон политикæйы фадыджы компанийы приоритетон нысæнттæй иутæ сты сывæл-лæтты спорт рæзын кæнын, рæзгæ фæлтæры æхсæн æнæниз цардуаг пропагандæйæн ахъаз кæнын. «Остелеком» активонæй æххуыс кæны респубдикæйы спорты рæзтæн, куыд зæгъæм, теннис, шахматтæ, футбол, ленк кæнын, каратэ, армрестлинг æмæ æндæртæн. Уымæн æмæ спорт ахъаз кæны рæзгæ фæлтæры активон цардуагон позицитæ аразынæн.
Æппæтуæрæсейаг гом турнир «Будущее зависит от тебя»-йы фæлгæтты уагъд æрцыд футболæй æрвылазон æвзарæн хъазт Дзау æмæ Цхинвалы скъола-интернаты ахуырдзауты æхсæн. Турниры фæуæлахизуæвæг ко-мандæ хайад райста горæт Сочийы ерысты, цыран бацахста дыккаг бынат.
Се ‘нæниздзинадмæ гæсгæ сæ фезмæлд сæхи бар кæмæн нæу, ахæмтæн æххуыс кæнын у компанийы хæрзаудæн архайды сæйрагдæр здæхтытæй иу. Уый у ахæм социалон мисси, кæцы иуварс кæны кæрæдзиимæ ныхас кæныны барьертæ æмæ алкæмæн дæр гом кæны дунейы царды сын æмхуызон гæнæнтæ аразгæйæ.
Ахæм адæймæгтæм хи реализаци кæныны эффективондæр амæлттæй иу у спорты архайын æмæ спортивон ерысты хайад исын, кæцытæ æххуыс кæнынц уæлæмхас мотиваци æмæ уæлахизмæ тырнындзинадæн, сæ царды гъæд сын хуыздæр кæнгæйæ. «Остелеком» активонæй æххуыс кæны сидзæр сывæллæттæн.
Хайад райста хæрзаудæн проект «Бæллицты фонтан»-ы. Ацы проект фадат радта сидзæр сывæллæттæн сæ ногазон фæндиæгтæ сæххæст кæнынæн. Компани сæххæст кодта æртæ фæндоны: дыууæ фæлмæн хъазæн арсы балæвар кодта Цхинвалы скъола-интернаты сывæл-лæттæн æмæ планшет та Ленингоры сывæллæтты хæдзары хъомылгæнинагæн.
Компани æнæхъусдардæй нæ ныу-уадзы, æввахс хиуæттæ кæмæн нæй, уыцы æххуысхъуаг адæмы. Ног азы размæ компанийы кусджытæ бабæрæг кодтой зæрæдтæ æмæ инвалидты пансионат «»Аудындзинад»-ы, цæмæй ногазон арфæтæ ракодтаиккой пансионаты цæрджытæн. Компанийы кусджытæ сын æрбахастой хæлцадон продукттæ, афтæ ма пансионаты алы цæрæгæн дæр бакодтой ногазон лæ-вæрттæ адджинæгтæ æмæ дыргъты хуызы.
«Остелеком» бирæ хæттыты спонсорон æххуыс бакодта Тасойты Игорæн концерт ауадзыны тыххæй, уыцы нымæцы 2017 азы дæр.
2017 азы куысты фæстиуджытæм гæсгæ копани «Остелеком» райста сыгъдæг æфтиаг, кæцыйы адих кæнын хауы æрмæстдæр директорты советы компетенцимæ. Абоны онг сыгъдæг æфтиаг дихгонд не ‘рцыд. Ацы фарст хаст æрцæудзæн компанийы директорты советы уынаффæмæ æввахс рæстæджы.
Кокайты Заринæ
Comments are closed, but trackbacks and pingbacks are open.