15 майы уыд Республикæ Хуссар Ирыстоны Парламенты дæсæм сессийы æв-дæм рабадт. Рабадт уагъта Республикæ Хуссар Ирыстоны Парламенты Сæрдар Гасситы Петр.
«2018 азы Республикæ Хуссар Ирыстоны паддзахадон бюджеты сæххæсты тыххæй» РХИ-йы закъоны фыццаг проект уынаф-фæмæ рахаста профилон комитеты сæрдар Коцты Жаннæ. Ацы фарст бамбарын кæныны тыххæй раныхас кодта РХИ-йы Финансты министр Хæбæлаты Азæ. Йæ ныхæстæм гæсгæ, Республикæ Хуссар Ирыстоны паддзахадон бюджет 2018 азы æххæст æрцыд «2018 азы Республикæ Хуссар Ирыстоны паддзахадон бюджеты сæххæсты тыххæй» Республикæ Хуссар Ирыстоны закъонмæ гæсгæ, «Бюджетон арæзтад æмæ бюджетон процес-сты бындурты тыххæй» Республикæ Хуссар Ирыстоны закъонмæ гæсгæ, «Республикæ Хуссар Ирыстоны бюджетон классификацийы тыххæй» Республикæ Хуссар Ирыстоны за-къонмæ гæсгæ æмæ æндæр нормативон акттæм гæсгæ.
«2018 азы Республикæ Хуссар Ирыстоны паддзахадон бюджет æфтиæгтæм гæсгæ æххæст æрцыд 7 507 112,6 мин сомæй, хæрдзтæм гæсгæ та – 8 079 792,1 мин сомæй, хыгъдон рæстæджы паддзахадон бюджет куыд æххæст æрцыд, уый фæстиуджытæм гæсгæ дефицит сæвзæрд 572679,5 мин сомы», – загъта Хæбæлаты Азæ. Уымæй дарддæр ма уый лæмбынæг радзырдта 2018 азы паддзахадон бюджетмæ хъалонты æмæ æнæхъалонон æфтиæгты тыххæй дæр.
Коцты Жаннæ банысан кодта, зæгъгæ, ацы закъоны проектыл уынаффæ цыд комитеты æмæ РХИ-йы Парламенты Президиумы, уымæн йемæ сты æппæт æмбæлон документтæ дæр.
Депутаттæ ацы закъоны проект райстой æмхъæлæсæй.
Дарддæр Экономикæ, чысыл амалиуæгад æмæ хъæууон хæдзарады фæдыл комитеты сæрдар Джиоты Инал уынаффæмæ рахаста «Инвестицион архайды тыххæй» РХИ-йы закъоны проект.
Уый банысан кодта, зæгъгæ, «Инвес-тицион архайды тыххæй» ныры закъон райст æрцыд 2014 азы, фæлæ дзы пайдайы процессы сæвзæрд хицæн нормæтæ фæхуыздæр кæныны æнæмæнгхъæуындзинад. Уый тыххæй, Джиоты Иналы ныхæстæм гæсгæ, Экономикон рæзты министрад ацы закъоныл бакуыста æмæ йæ рауагъта ног редакцийæ.
«Ногæй редакцигонд закъон гаранти дæтты инвесторты бартæ, интерестæ æмæ исад æмхуызонæй хъахъхъæнын, аразы инвестицион архайдæн паддзахадон фарс-хæцынады формæтæ æмæ фадæттæ, афтæ ма Хуссар Ирыстоны паддзахадон хицауиуæгады органтимæ инвесторты æмархайды принциптæ», – загъта комитеты сæргълæууæг.
Парламентари ма бамбарын кодта, зæгъгæ, фыццаджы фыццаг ног закъоны проекты развæлгъау нысан у инвестортæн æхцайы бавæрдтыты дыууæ хатты фæкъад-дæр кæнын.
«Развæлгъау фæнд цæуы преференциалон инвестицион проекттæ рахицæн кæнын, кæцытæ ацы ивындзинæдтæм гæсгæ, дихгонд цæуынц приоритетонтæ æмæ хатыронтыл. Приоритетон инвестицион проекттæм хау-дзысты сæ иууыл стырдæртæ, уыцы нымæцы Паддзахадон реестр дæр. Зæгъæм, приоритетоныл нымад цæудзысты, йе ‘хцайы гуырахст 25-æй 150 милуан соммæ кæмæн у, ахæм проекттæ, хатыронтæм та – йе ‘хцайы гуырахст 10-æй 50 милуан соммæ кæмæн у, ахæм проекттæ. Уымæй дарддæр 11-æм статьяйы ис æмбарынад «реторситæ», кæцымæ гæсгæ æмбæрстгонд у дзуаппон фæлгæт (ограничение), кæнæ та ортæн РХИ-йы инвестицион архайд æххæст кæнын иуæй-иу паддзахадты инвест бынтондæр æрæхгæнын», – загъта Джиоты Инал.
Уый ма банысан кодта, зæгъгæ, ацы закъоны проекты райст фадат ратдзæн инвестицион архайд закъонон бындурыл аразынæн, инвестортæн æххуысы формæтæ сараздзæн æнцонвадатдæр æмæ æргомдæр, уымæй стимул дæтдзæн республикæмæ инвесторты раздахынæн.
Ацы закъоны проект райсыны тыххæй дæр депутаттæ æмхъæлæсæй сразы сты.
Боны фæткы фæстаг пункт уыд Республикæ Хуссар Ирыстоны Президент Бибылты Анатолийы РХИ-йы Парламенты майдан «Хъуылымбегты Торез»-æй схорзæхджын кæныны тыххæй.
Гасситы Петр банысан кодта, зæгъгæ, Бибылты Анатоли стыр хайбавæрд бахаста Хуссар Ирыстоны парламентаризмы рæзтмæ æмæ æнæдызæрдыгæй у ацы хорзæхы аккаг.
Спикеры ацы фæндоны фарс рахæцыдысты депутаттæ се ‘ппæт дæр.
Comments are closed, but trackbacks and pingbacks are open.