Италиаг горæт Роверетойы уыд муниципалон парк «Дети Беслана»-йы байгом кæныны цытджын церемони. Уый тыххæй хъусын кæны РИА Новости. Паркы ног номимæ мысæн табличкæ байгом кодтой Роверетойы мэр Франческо Валдуга, Миланы Уæрæсейы Федерацийы генконсул Дмитрий Штодин, хæрзаудæн ассоциаци «Помогите нам спасти детей»-йы президент, Беслæны кадджын æмбæстаг Эннио Бордато æмæ Римы зонад æмæ культурæйы уæрæсейаг центры сæргълæууæг Дария Пушкова. «Ацы бынаты, цыран цин кæнынц иууыл чысылдæр сывæллæттæ, мах бахъахъхъæндзыстæм удæгас мысынад уыдоны тыххæй, кæцытæн фыдгæнджытæ байстой сæ цард, цæмæй ног фæлтæртæ зоной æрцæугæ трагедийы тыххæй æмæ алыхатт дæр сæ зæрдыл дарой, сабырадæн аргъ кæнын кæй хъæуы», – дзырдæуы Роверетойы паркы мысæн табличкæйы.
2021-06-07
Comments are closed, but trackbacks and pingbacks are open.