Хуссарирыстойнаг æмбæстаджы РХИ-йы хъахъхъæнынады министрады кусджытæ кæй фæнадтой, уыцы инциденты фæдыл, республикæйы президенты уынаффæмæ гæсгæ сæ бынæттæй сæрибар æрцыдысты РХИ-йы хъахъхъæнынады министры хæстæ æххæстгæнæг Пухаты Владимир æмæ сæрмагонд скондимæ куысты фæдыл хъахъхъæнынады министры хæдивæг Æлборты Игорь.
Уый размæ, 2022 азы 4-æм августы республикон бирæпрофилон медицинон центры территорийыл хъахъхъæнынады министрады кусджытæ камуфляжон формæйы æмæ маскæты фæнадтой хус-сарирыстойнаг æмбæстаг Джыгкайты Азæмæты, кæцыйы уый фæстæ аластой æбæрæг ранмæ службæйон автотранспортыл.
РЕСПУБЛИКÆ ХУССАР ИРЫСТОНЫ ПРЕЗИДЕНТЫ БАРАМЫНД
Пухаты Владимиры тыххæй
- Пухаты Владимир Эдуарды фырт сæрибар æрцæуæд Республикæ Хуссар Ирыстоны Хъахъхъæнынады министры хæстæ æххæст кæнынæй.
- Ацы Барамынд йæ тыхы цæуы къух ыл æрфыссыны бонæй.
Республикæ Хуссар Ирыстоны Президент ГАГЛОЙТЫ Алан
г.Цхинвал
2022 азы 12 август
РЕСПУБЛИКÆ ХУССАР ИРЫСТОНЫ ПРЕЗИДЕНТЫ БАРАМЫНД
Æлборты Игоры тыххæй
- Æлборты Игорь Александры фырт сæрибар æрцæуæд сæрмагонд скондимæ куысты фæдыл Республикæ Хуссар Ирыстоны хъахъхъæнынады министры хæдивæджы – сæрмагонд сконды куысты фæдыл хайады хистæры бынатæй.
- Ацы Барамынд йæ тыхы цæуы къух ыл æрфыссыны бонæй.
Республикæ Хуссар Ирыстоны Президент ГАГЛОЙТЫ Алан
г.Цхинвал
2022 азы 12 август
Comments are closed, but trackbacks and pingbacks are open.