20 июны Хуссар Ирыстоны мысынц 1920 азы Гуырдзыстон цы геноцид сарӕзта ирон адӕмӕн, уый амӕттӕгты нӕмттӕ. Националон бындурыл уыцы ӕнӕадӕймагадон фыдракӕндты амӕттӕгтӕ 100 азы дӕргъы баисты мингай ирӕттӕ, сылгоймӕгтӕ, зӕрӕдтӕ, сывӕллӕттӕ. 100 мин адӕймаджы бæрц фӕлыгъдысты сӕ цӕргæ-цæрӕнбонты бынӕттӕй.

Гуырдзиаг меньшевикты къухæй 104 азы размæ цы 13 коммунары æрцыд мард, уыдон ном арыны цытæн 20 июны Згъудеры уæлмæрдмæ сæ цырты размæ æрвгылаз дæр æрбацæуынц бæстæйы разамынад, министрадтæ æмæ уагдæтты сæргълæуджытæ æмæ кусджытæ. Ирон адæмы ныхмæ геноциды амæттæгты номæн веноктæ æмæ дидинджытæ æвæрд æрцæуы 13 коммунары номыл цырты раз.

Бирæ фыдракæндтæ арæзтой йæ рæстæджы гуырдзиаг лæгхортæ ирон адæмы ныхмæ – уæд 13 коммунарæн ингæн скъахын кодтой æмæ сæ уым баныгæдтой, Ереды хъæуы 12 бæлццоны дæр баныгæдтой удæгасæй, Зары фæндагыл сабырцæрæг лигъдæтты сухты цагъд ныккодтой… æмæ сæ чи фæнымайдзæн сæ сырдон фыдмитæ ирон адæмы ныхмæ.

Ирыстон мысы геноциды амæттæгты

Уыцы бон ма Мады Майрæмы æмæ Сыгъдæг Æртиуон аргъуанты уагъд æрцæуы Хуыца­умæ куывтытæ ирон адæмы геноциды амæттæгты тыххæй.

Æртындæс цæхæрцæст коммунар-хæстоны Уалыты Данел æмæ Никъала, Цхуырбаты Кышыл, Котолиты Никъала, Джиоты Андри, Ходты Пашка, Гобозты Соскъо, Тедеты Иван, Цхуырбаты Тотыр, Дзеранты Буту, Джиголаты Резо æмæ Сашæ, Куымæридтаты Гиго. Ацы хъæбатыр лæппуты 1920 азы 20 июны фехстой гуырдзиаг æфхæрджытæ. Зарæджы ныхæсты фыст ис, ацы æртындæс лæппуйы нæ амонд æмæ нæ цардæн сæ сæртæ кæй æрхастой нывондæн.

КЪӔБУЛТЫ Маринæ

Добавить комментарий

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.