Хуссар Ирыстоны сæйраг газет «Хурзæрин» йæ 100 азы сæрты акаст. Æппæт уыцы азты уый, кæддæриддæр, уыдис йæ адæмимæ – сæ цины æмæ хъыджы. Уыдис ахæм рæстæджытæ, алы бинонтæм дæр куы хæццæ кодта. Абон, хъыгагæн, уавæр æндæр у. Бирæ бинонтæм фæндаг нал ары газет. Бирæбæрцæй ирон адæм иппæрд кæнынц ирон аив, мыхуырон дзырдæй – нæхимæ, стæй, нæ алыварс цы хабæрттæ цæуы, уыдоны сæ мадæлон æвзагыл нæ кæсынц. Мадæлон æвзагæн та нацийы царды цы нысаниуæг ис, уый бæлвырдкæнинаг нæу.
Ирон газет рафыссын æмæ кæсын махæй алчидæр хъуамæ нымайа йе ‘мбæстагон æмæ патриотон хæсыл.
Уæдæ бавдæлæм æмæ равдисæм мадæлон æвзагыл æнувыддзинад æмæ рафыссæм газет «Хурзæрин» йæ дыккаг æнусы фыццаг азы дыккаг æмбисæн.
Азы æмбисæн газет рафыссыны аргъ у 330 сомы.
