Республикæ Хуссар Ирыстоны Хицауады Сæрдары хæдивæг – Экономикон рæзты министр Бекъойты Геннадийы къухдариуæгадæй уагъд æрцыд инвестпроекттæ равзарыны фæдыл Инвестицион къамисы рабадт.

Рабадты уынаффæ кодтой арæнгонд бæрндзинады æхсæнад «Натурплант»-ы кондадон ифтонгад балхæнынимæ баст хæрдзты иу хай баххæст кæныны фарстайыл.

Бекъойты Геннади куыд банысан кодта, афтæмæй республикæйы Хицауад дарддæр дæр æххуыс кæны инвестпроекттæн, кæцытæ реализаци цæуынц Хуссар Ирыстоны территорийыл.

«Ныртæккæ ныхас цæуы, завод «Натурплант» кæй балхæдта, уыцы кондадон ифтонгады аргъы 30 процент бафидыныл. Уый у ахсджиаг преференци астæуккаг бизнес райрæзын кæнынæн», – загъта уый.

Къамисы уæнгтæ, кæцыйы сконды сты Парламент, Экономикон рæзты министрад, Хъæууон хæдзарады министрад, Хъалонтæ æмæ фиддонты комитет, Сæудæджерад, транспорт æмæ энергетикæйы комитеты минæвæрттæ, базонгæ сты Экономикон рæзты министрады хатдзæгтимæ,  РХИ-йы социалон-экономикон рæзтæн ахъазгæнæг  Инвестицион  программæйы фæлгæтты «Республикæ Хуссар Ирыстоны территорийыл ин-вестицион проекттæн паддзахадон æххуысы мадзæлтты тыххæй» РХИ-йы Хицауады 2016 азы 16 октябры райсгæ №39 Уынаффæйы домæнтæм æмæ уавæртæн проект дзуапп дæтты æви нæ, кæцыйы бындурыл æххæст цæуы паддзахадон æххуысы ацы хуыз.

РХИ-йы Президент æмæ

 Хицауады пресс-службæ

Comments are closed, but trackbacks and pingbacks are open.