Æхсæнадон æдасдзинæдты дæлхæйтты сæргълæуджытæн уагъд æмбырды Мидхъуыддæгты министр Гуыцмæзты Алан байхъуыста дæлхæйтты министрты докладтæм.
Ведомствойы сæргълæууæг йæ хъус æрдардта ахæм факттæм, зæгъгæ рæнхъон кусджытæй чидæртæ фехалы службæйон дисциплинæ, кæнæ та йæ комкоммæ хæстæ кæронмæ йæ куысты рæстæджы нæ феххæст кæны.
«Милицийы кусæгæн нæй фæткхалæн цау фенгæйæ йæ фæрсты ахизын, кæнæ та тыхст адæймагæн ма баххуыс кæнын, афтæмæй йæ фæндаг адарддæр кæныны бар. Ис ахæм куыстуæттæ, цыран кусæг ссæрибар вæййы йæ куысты хæстæй йæ улæфты рæстæджы. Фæлæ уыцы хъуыддаг милицийы кусæгмæ нæ хауы, уымæн æмæ йæ пассивондзинад комкоммæ бандавдзæнис æмбæстæгты æдасдзинадыл. Милицийы кусæгæй хуымæтæг адæймаг хъуамæ кæддæриддæр æвæра ныфс», – бахахх кодта Гуыцмæзты Алан.
Ацы проблемæ аскъуыддзаг кæнынæн министр бахæс кодта æрæмбырдуæвджытæн, цæмæй лæмбынæгдæр сæ хъус æрдарой сæ кусджытæм, сбæлвырд сын кæной сæ проблемæты аххосæгтæ æмæ æввахс рæстæджы райсой æмбæлон мадзæлттæ куысты эффективондзинад фæбæрзонддæр кæнынæн.
Уымæй уæлдай ма ведомствойы сæргълæууæг паддзахадон автоинспекцийы сæргълæууæгæн бахæс кодта, цæмæй цыбыр æмгъуыдмæ басгарой паддзахадон уагдæтты автотранспорты техникон уавæр, сæ гæххæттытæ, кæуыл дзы цахæм паддзахадон номыр ис фидар.
Æрдзырдтой ма автоинспекцийы рæнхъон сконды вакантон бынæттыл дæр. Министр бахæс кодта рæнхъон сконды фæдыл управленийæн, цæмæй милицимæ кæй исынц кусынмæ, уыдоны фидар кæной автоинспектортæй. Ахæм мадзæлттæ райсыны фæстиуæгæн рæхджы проблемæ скъуыддзаг æрцæудзæнис.
Аппаратон комплекс «Æдас горæт» æмбæлы бирæ зын-дзинæдтимæ. Фыццаджыдæр нæ республикæйы нæй нырыккон аппаратурæмæ æмæ камерæты функцитæ æххæст кæнынмæ сæ хъус æмбæлонæй дарæг. Æввахс рæстæджы исты фæндон хаст æрцæудзæн æмæ «Æдас горæт» комплексо-нæй скусдзæн. Уыимæ ма нæ горæты амалиуæггæнджытæй чидæртæ фæндон бахастой, цæмæй сын сæ дуканиты æмæ хæрæндæтты камерæтæ дæр баиу кæной «Æдас горæт»-мæ. Ацы хъуыддаг фæахъаз уыдзæн æхсæнады æдасдзинадæн.
ДЖИОТЫ Алыксандр
