Республикон бирæпрофилон медицинон центры цы гемодиализы хайад байгом æртæ азы размæ, уый нæ куыста рæстæгмæ æмæ та ныр исын райдыдта, нæ республикæйы цы 16 па-циенты ис, уыдоны. Ацы хайады къухдариуæггæнæг Джиоты Мадинæ куыд зæгъы, афтæмæй: гемодиализы хайады нæ фаг кодта донсыгъдæггæнæг аппарат, уымæ гæсгæ уый амал кодтой æндæрран. Ныр æлхæд æрцыд сæрмагонд ифтонгад, Уæрæсейы Федерацийæ та хуынд æрцыд инженер-техник, кæцы цалдæр бонмæ смонтаж кодта аппарат. «Мах æнхъæлд-там, цалдæр бонмæ аппарат куы нæ срæвдз уа, æмæ нæ пациентты æрвыстам Цæгат Ирыстонмæ, уым нын профилон медицинон уагдонимæ ис бадзырд, цæмæй форс-мажорон цауты рæстæджы алы хатт дæр цæттæ уой нæ рынчынты райсынмæ.
Мадинæ ма куыд зæгъы, афтæмæй инфекцион низ коронавирусы рæстæджы хайад рахызт æндæр графикмæ. Уыдон кусынц æртæ сменæйы. Дыууæ сменæйы ист цыдысты коронавирусæй рынчын чи нæу, ахæм пациенттæ, æртыккаг сменæйы та – ацы тæссаг инфекцион низ кæуыл бахæцыд, ахæмтæ. Процедурæтæ куы фæвæййынц, уæд рынчынты фæстæмæ акæнынц рынчындонмæ, инфекцион хайадмæ. Уый фæстæ бæстыхай сдезинфекци кæнынц сæрмагонд фæрæзтæй, цæмæй дыккаг бонмæ цæттæ уа рынчынтæ райсынмæ. Кæд æмæ коронавирусæй рынчын чи нæу, уыдон æрмæстдæр къуыри æртæ хатты хъæуы гемодиализы процедурæ, уæд кæуыл бахæцыд, уыдоны та хъæуы æрвылбон дæр.
Гемодиализы процедурæтæ дæс азы бæрц чи аразы, уыцы пациент нын радзырдта: «Ца-лынмæ нæхимæ нæ байгом ацы хайад, уæдмæ-иу гемодиализы процедурæтæ аразынмæ цыдтæн Цæгат Ирыстонмæ. Æппæт хæрдзтæ дæр фыста паддзахад. Нæхимæ куы фæзынд ахæм хайад, уæд нын тынг æхсызгон уыд. Бирæ хатт-иу фæндагыл фæфыдæбон кодтам. Уæлдай тæссагдæр та уыд зымæгон бонты, фæндаг-иу æхгæд куы уыд, уæд.
Диализы процесс у тынг вазыгджын. Цы хостæ хъæуы, уыдон дæр сты зынаргъ. Цы аппарат сæвæрдтой ногæй, уый фæрцы дохтыртæ куыд зæгъынц, афтæмæй сæ бон у уыцы-иу рæстæг 30 рынчынæн процедурæ саразын. Стыр бузныг ацы хъуыддагыл чи батыхст æмæ кæй фæрцы аскъуыддзаг, æппæт уыдонæн», – зæгъы уый.
Гемодиализы центр саразыныл Хицауад рагæй архайдта. Хъуыд сæрмагонд медицинон ифтонггæрзтæ. Уымæй дарддæр, центр аразгæйæ спайда кæнын хъуыд сæрмагонд арæзтадон æрмæджытæй. Æрмæджыты куы уыдаид зианхæссæг буарадтæ, уæд уыдон уæлдæфимæ иумæ, æндæвтаиккой рынчынты æнæниздзинадыл. Æппæт уыдæттæ бæстон æрцыдысты æртæ азы размæ æмæ уæдæй фæстæмæ рынчынтæн бынаты аразынц гемодиализ.
Уазæгты марфа
Comments are closed, but trackbacks and pingbacks are open.