УФ-йы Роспотребнадзоры централон зонад-иртасæн институты эпидемиологийы зонадон куысты фæдыл директоры хæдивæг Александр Гореловы хъуыдымæ гæсгæ Уæрæсейы коронавирусон инфекцийы низ фæкъаддæр уыдзæн 2021 азы февраль-марты. «Фылдæр хатт низы рæзты райдианæй фенхъæлмæ кæсæм максималон рæзтмæ 28 боны дæргъы – уый у дыууæ инкубацион периоды, уымæ гæсгæ ноябры фыццаг декадæ алцыдæр хъуамæ йæ бынаты сæвæра. Уæд райдайдзæн процессы стабилизаци, фæлæ мах нырма нæ дзурæм низы къаддæры тыххæй, уымæн æмæ эпидпроцесс стабилон куы суа, уымæй,  хъуамæ рацæуа рæстæг, фæлæ вирус уæддæр нырма парахат кæндзæн. Уый фæстæ фидарæй зæгъæн ис, низ кæй райдайдзæн къаддæр кæнын, уалдзæджы 11-æм майæ фæстæмæ куыд фиппайдæуыд, афтæ. Февраль-марты  бацæудзыстæм низы фæлæмæгъдæры фазæмæ», – загъта Александр Горелов.

Уый банысан кодта, зæгъгæ, цалынмæ бæстæйы коронавирусы ныхмæ дзыллон вакцинаци уагъд нæ цæуы, уæдмæ санитарон-арæнгæнæн мадзæлттæн альтернативæ нæй. Йæ ныхæстæм гæсгæ, социалон дистанци хъахъхъæнын, маскæтæ æмæ æрмкъухтæ дарын, антисептиктæй пайда кæнын, æрмæстдæр комплексон æгъдауæй суыдзæн эпидемиологон процесс фæсабырдæр кæнын. «Маскæ бакæнгæйæ, кæнæ санитайзертæй пайда кæнгæйæ ды хъахъхъæныс æрмæст дæхи нæ, фæлæ де ‘ввахс адæмы дæр. Горелов ма банысан кодта, зæгъгæ, низы ног сбæрæггонд цауты фæдыл статистикæйы бæрæггæнæнтæ макæй хъуамæ тæрсын кæной. Фæстаг рæстæджы бæстæйы бæрæг цæуы коронавирусæй рынчынты нымæц, фæлæ статистикæйæ тæрсын нæ хъæуы. Августы кæрон сентябры райдианы æз сарæзтон прогнозтæ, зæгъгæ, низ кæуыл бахæца, уыдоны нымæц уыдзæн 17-18 мин адæймаджы, уымæн æмæ уый баст у уыимæ æмæ нырма цæрджыты фаг фæлтæртæ кæй нæ сæмбæлдысты ацы вирусыл. Горелов бамбарын кодта, зæгъгæ, цæмæй вирус мауал циркуляци кæна, уый тыххæй цæрджытæн хъуамæ уа æмбæлон коллективон иммунитет.

Йæ ныхæстæм гæсгæ, инфекци æруромыны тыххæй гæнæн уыдзæн дзурын  æрмæстдæр уæд, кæд æмæ уæрæсейæгты коллективон иммунитет схиза 60-70 проценты  æмвæзадмæ. «Уымæ гæсгæ цалынмæ  биноныг æрцæуа æнæмæнгхъæуæг  вакцинаци æппынкъаддæр гриппы æмвæзадыл, уæдмæ процесс æруромын нæ бон не суыдзæн», – банысан кодта эксперт.

Comments are closed, but trackbacks and pingbacks are open.