Фембæлд Парламентон партитимæ

Хуссар Ирыстонмæ УФ-йы Президенты æххуысгæнæджы визиты программæйы фæлгæтты Владислав Сурков ауагъта къорд фембæлды парламентон партиты фракцитæ æмæ депутатон къордтимæ, дыууæфарсон æмгуыстады боны фæткы актуалон фарстытыл уынаффæ адарддæр кæнгæйæ.

Владислав Сурковæн ахæм форматы фыццаг фембæлд уыд республикон политикон парти «Иугонд Ирыстон»-ы фракциимæ. УФ-йы Президенты æххуысгæнæгæн Бибылты Анатоли бузныг загъта Хуссар Ирыстоны рæзты фæдыл йæ архайды тыххæй. «Æхсызгон мын у нæ иумиаг куысты æнтыстытæ банысан кæнын, уыцы нымæцы закъононсфæлдыстадон планы дæр, куыд УФ-йы Президенты Администрациимæ, афтæ Федерацийы Советимæ дæр. Æмархайд цæуы тынг комфортонæй æппæт приоритетон здæхтыты дæр», – банысан кодта РХИ-йы Парламенты Сæрдар.

Йæ рады, Владислав Сурков равдыста йæ бузныгдзинад йæ куыстæн ын стыр аргъ кæй скодтой, уый тыххæй æмæ банысан кодта, зæгъгæ, Хуссар Ирыстон æмæ Уæрæсейæн сæ бон ссис æмархайды механизм бакусын, куыд хицауиуæгады æххæстгæнæг къабазы, афтæ закъондæттынадон къабазы дæр, кæцы фадат радта ивгъуыд азты серьезон прблемæтæ аиуварс кæнынæн. «Уæ зæрдыл уын лæууын кæнын уый, æмæ  2013 азы финанскæнынад урæд æрцыд,  уымæн æмæ æрæмбырд  бирæнымæц претензитæ æмæ фæрæзты эффективонæй хардз кæныны фæдыл дызæрдыгдзинад, фæлæ иумиаг тыхтæй, уыцы нымæцы æххæсткæнынадон æмæ закъондæттынадон хицауиуæгад æмæ æппæт хайадисæг адæймæгты руаджы арæзт æрцыд уæрæсейаг фæрæзты эффективонæй хардз кæныны механизм. Уый зыны Цхинвалы хæрзарæзтад уынгтыл дæр, кæй зæгъын æй хъæуы, нырма æппæт уынгтыл нæ, æмæ объекттыл, кæцыты арæзтад фæцис кæнæ кæронмæ фæуд кæны. Æз зонын, сымах куыд оппозици, афтæ критикæ кæнут архайæг хицауады, æмæ уый нормалон у. Æвæццæгæн, ис бирæ цухдзинæдтæ, кæй зæгъын æй хъæуы, ис проблемæтæ дæр, фæлæ иумиагæй Хуссар Ирыстон æмæ Уæрæсейы хицауиугады ‘хсæн арæзт æрцыд æууæнкдзинады æнæпрецендентон æмвæзад, къухты бафтыд раздæры негативыл фæуæлахиз уæвын», – загъта Владислав Сурков.

Уый фæстæ УФ-йы Президенты æххуысгæнæгæн фембæлд уыд партитæ «Ныхас» æмæ «Адæмы иудзинад»-ы депутаттимæ. Фембæлды æруынаффæ кодтой æвзæрстыты агъоммæйы рæстæджы æмгуыстады сæйрагдæр фарстытыл.

РХИ-йы Парламенты

информацион-аналитикон управлени