Хуссар Ирыстоны хицауадон делегаци, йæ сæргъ РХИ-йы Хицауады Сæрдары хæстæ æххæстгæнæг Бекъойты Геннади, афтæмæй ис кусæгон балцы Мæскуыйы.

Делегацийы визиты фæлгæтты федералон ведомствоты къухдариуæггæнджытимæ уагъд æрцæудзысты фембæлдтытæ æмæ баныхæстæ.

Знон делегацийы уæнгтæн фембæлд уыдис Уæрæсейы Федерацийы Хъæууон хæдзарады министры фыццаг хæдивæг Джамбулат Хатуовимæ.

Фембæлды хайад райста РХИ-йы Хъæууон хæдзарады министры хæстæ æххæстгæнæг Пухаты Лев.

Уынаффæ цыдис Хуссар Ирыстоны агросæудæджерадон комплексы, бæлвырддæрæй та – фосдарды æмæ зайæгойгуысты рæзты фарстатыл.

Уымæй дарддæр ма дзырд цыдис, хъæууон хæдзарады пайда кæнынæн чи бæззынц, ахæм зæххы фадгуыты рекультативацийы, хъæууонхæдзарадон техникæйы уавæр æмæ æндæр актуалон фарстатыл.

Фембæлд ацыдис конструктивон, хæларадон уавæры.

Республикæ Хуссар Ирыстоны

Хицауады пресс-службæ

Comments are closed, but trackbacks and pingbacks are open.