Мидхъуыддӕгты министрады хаххыл Краснодары университеты 4-ӕм курсы курсант Хъотайты Артур ссис конкурсы уӕлахиздзау ӕмӕ йӕ схорзӕхджын кодтой фыццӕгӕм къӕпхӕны дипломӕй.
Конкурс сорганизаци кодта уголовон процессы кафедрӕйы «Предварительное следствие в органах внутренних дел»-ы факультет. Хайад дзы райстой 4-ӕм курсыты курсанттӕй 200 бӕрц. Конкурс дих уыд теоретикон ӕмӕ практикон хӕйттыл. Дзуапп радтой тестты фарстатӕн ӕмӕ раст байдзаг кодтой алыгъуызон сӕрмагонд суагъæтæ. Практикӕйы рӕстӕджы алкӕцы хайадисӕг дӕр оперативон-слестгӕнӕн къорды сӕйраг слестгӕнӕджы хуызы ацыдис «фыдракӕнд»-ы сарӕзты бынатмӕ.
Жюрийы уӕнгтӕ уӕлдай хъусдард здӕхтой ӕрыгон слестгӕнджыты раст архайдмӕ, цы къахдзӕфтӕ арӕзтой, уымӕ. Артур бӕлвырд кодта давды цау, ӕнӕзакъонон наркотикты ӕмӕ хӕцӕнгарзы ӕрзылд. Организатортӕ дӕр ын федтой йӕ арӕхстдзинад, йӕ профессионалон зонындзинӕдтӕм ӕмӕ йын радтой конкурсы хуыздӕр слестгӕнӕджы ном.
ДЖИОТЫ Алыксандр
