Хуссар Ирыстоны дзулфыцæн комбинат 2016 азмæ абаргæйæ ацы аз йæ кондады гуырахст фæфылдæр кодта, – фехъусын кодта информагентад «Рес»-æн РХИ-йы дзулфыцæн комбинаты директор Цхуырбаты Вадим.

2016 азы комбинат рауагъта 92 милуан 209 мин сомы аргъ продукци.

Директоры ныхæстæм гæсгæ, кондады гуырахст фæфылдæр ис продукцийы хуызтæ, æмæ йæ уæйгæнæн бынæттæ кæй фæфылдæр сты, уый фæрцы.

«2017 азы ассортиментмæ æрбафтыд продукцийы ног 7 хуызы», – банысан кодта директор.

Хуссар Ирыстоны сæйраг горæтæй дарддæр ма комбинат ифтонг кæны дзулæй Республикæйы районты дæр.

«2017 азы мах реализаци кæнын райдыдтам нæ продукци Ручъы хъæуы, Ленингоры районы иууылдæр, афтæ ма Куатетрийы æмæ Знауыры æндæр цæрæн пунктты.

Цхуырбаты Вадим банысан кодта, дзулæн йæ аргъ районты кæй у, Цхинвалы куыд у, афтæ.

 

Comments are closed, but trackbacks and pingbacks are open.