Ӕрæджы 10-æм Ӕппæтадæмон национ культурæйы фестиваль «В этом мире большом» уагъд æрцыд Добролюбовы номыл нижегородаг лингвистон университеты, цыран хайад райстой 40 бæстæйы фæсивæды минæвæрттæ. Нижегороды Мидхъуыддæгты академийы фыццагкурсонтæ – æртæ ирон чызджы, кæцытæ ардæм æрвыст æрцыдысты ахуыр кæнынмæ Хуссар Ирыстонæй, активон хайад райстой ацы фестивалы.
Фестивалы уыд тынг бирæ алыхуызон хиирхæфсæн æмæ зонадон программæтæ, стæй ма тымбыл фынгтæ, тренинг-тæ, национ армукъатæ. Ӕппæт ацы мадзæлттæ уагъд цыдысты, цæмæй фæсивæд хуыздæр базонгæ уой сæ кæрæдзиимæ, базонгæ уой æндæр нациты традицитимæ, культурæимæ. Мадзалы кæронбæттæны ауагътой гала-концерт æмæ дзы йæ хайадисджытæ сæххæст кодтой æрмæстдæр национ зарджытæ æмæ кæфтытæ. Хуссар Ирыстоны минæвæрттæ дæр иттæг хорз акафыдысты «Хонгæ кафт» æмæ сын залмæкæсджытæ стыр аргъ скодтой.
Банысан кæнын хъæуы уый, æмæ сын ацы кафт сæххæст кæнынæн стыр æххуыс кæй бакодта уырыссаг лæппу. Уый дæр у уыцы академийы курсант. Нæ чызджытæ йæ дыууæ къуырийы æмгъуыдмæ сахуыр кодтой.
Нæ чызджытæ ма æрæджы уæлахиздзаутæ систы конкурсы, кæцы уагъд æрцыд сæ академийы сфæлдыстадон коллективты ‘хсæн, æмæ уым дæр сæххæст кодтой «Хонгæ» кафт.
ДЖИОТЫ Александр
Comments are closed, but trackbacks and pingbacks are open.