Ростуризмы къухдариуæггæнæг Дыгъуызты Зæринæ бацахста 3-аг бынат постсоветон тыгъдады бæстæты æвзонг лидерты рейтингы. Рейтинг сарæзта Уæрæсейы Фæсарæйнаг хъуыддæгты министрады дунеон ахастыты Мæскуыйы паддзахадон институт (МГИМО), Паддзахадон Думæ æмæ Хæдбар Паддзахадты Æмхæларады бæстæты институт. Йæ нысан у æвзонг перспективон политикты сбæрæг кæнын æмæ семæ æмгуыстад æрнывыл кæнын. Номхыгъд аразыны рæстæджы аргъ кæнынц паддзахадон хорзæхтæн, дунеон контактты æмвæза-дæн, политикон перспективæтæн æмæ службæйон æнтыстытæн. Рейтингмæ бахауынц, 35 азы онг кæуыл цæуы, ахæм æвзонг политиктæ.
Рейтингы сæргъ слæууыд Республикæ Абхазы Фæсарæйнаг хъуыддæгты министр Инал Ардзинба, дыккаг бынаты ис Паддзахадон Думæйы вице-спикер Борис Чернышов, æртыккаг бынаты та – Дыгъуызты Зæринæ. Хуссарирыстойнаг Дыгъуызты Зæринæ каст фæцис дунеон ахастыты Мæскуыйы паддзахадон институты (МГИМО) дунеон журналистикæйы факультет, куыста Уæрæсейы хицауады пресс-службæ æмæ информацийы департаменты, афтæ ма æхсæнадон бастдзинæдты æмæ коммуникациты фæдыл УФ-йы Президенты управленийы. Уыд дунеон егъау мадзæлтты управленийы фæдыл департаменты хистæр.
Дыгъуызты Зæринæ Ростуризмы сæргъ слæууыд 2019 азы февралы мæйы.
Comments are closed, but trackbacks and pingbacks are open.